قصيده كتبتها فيك ياوليدي متى بتجي وتفرح عيوني

كيفكم يابنات اشتقت لكم كثير
انا شاعره بسيطه احببت ان اعبر عن مافي داخلي في هذه الأبيات
ارجوكم ادعوا لي اذا قريتوا القصيده بالذريه الصالحه عاجلا غير اجل
تكفوووون يامشرفات لاتنقلوا موضوعي اتمنى ان تصل فضفضتي للجميع
لم تقف دموعي الا بعد الأنتهاء من كتابتها

وينك ياوليدي وأنا أمك طال أنتظاري والألم
طال الصبر وأنا انتظر كلمة ياماما اشتقت لك
مرت ســـنيني والشهور ومابقى غير الحزن
يلف قلبي وقلب ابــوك ملانا الشــوق لضمـتك
تعــال يايمـه وفرح عيوني بكــت ترجـيـك
تعــال واملأ مكــــانك بألعابــك وضحكــاتك
فداك النوم والراحه فدتك فلوس كل هالكون
عشان لحظة لقى عيونك ابيع الكون من اجلك
تحملت الألم والهم وقيـــل وقــال والجهال
اللي على المكتوب يلومـــوني ويلومــــونك
لكن رجاي في خالقي لوطال الزمن ماخاب
امره بين كاف ونون بيجيبك لي وبفرح بك
وعد مني وأنا أمك متى ماجاء هذاك اليوم
لأحطك في عروق القلب وأقول ياربي شكرا لك

19 تعليق 3,961 مشاهدة

شاركي في النقاش

سجلي الدخول لإضافة تعليق.

التعليقات

19
  1. @am_alhnof_4

    صح لسانك وسلمت اليد اللي كتبتها ماشاء الله عليك
    الله يرزقك بالذريه الصالحه يارب ويفرح قلبك وقلب كل محرومه بشيلة ضنا ياحي ياقيوم
  2. @tfah_shamy

    اختي لاتكرهي شيئايمكن يكون لكي فيه خيراكثيرا
    ولانحب شيئايمكن يكون لنا فيه شر
    فالخيرة فيما اختاره الله لنا وان نؤمن بقضاءالله وقدره واذا احرم الله عبده من شيء في الدنيا عوضه بالاخره
    ومثل ماقلتلك لاتحبي ولا تكرهي وكلي امرك لله وياما كان الابناء سبب شقاء وتعاست بعض الناس
    والله حتى لوجالك اعيال ماترتاحين تقعدين تفكرين فيهم ومن بيفارق الثاني اول شيء انتي ولاهم مافيه احد مرتاح
  3. @mygo_4

    اللهم اني اسالك بكل اسم سمتيه به نفسك ان ترزق اختنا المزون البيضاء بذريه الصالحه اللي تفرح عينك وعين زوجك وربي دعيت لك من قلب بين الاذان والاقامه

تابعي تجارب أخرى من هذا القسم.