فيه بنت اتصلت على الشيخ خالد الجبير وقالت له انها تحب ولد عمها...تقول البنت للشيخ انها جلست 4 سنوات تقوم الليل وتصلي ، وتدعي ، وتصوم ، واجتهدت في العبآده عشان الله يزوجها ولد عمها !!!
الصدمه :
ان ولد عمها خطب بنت عمه الثانيه !!
هي انصدمت وتكاسلت بصلاتها و صيامها و اللي كانت تتعبد الله فيه وما صارت مثل قبل وكرهت حالتها ووضعها !
البنت تقول للشيخ الجبير :
وش صار لي ..؟!
ليش تغيرت وليش صار كل هذا ؟!
مقهوره من نفسها ومن وضعها ..
رد عليها الشيخ رد مختصر بس عظيم في معناه
و الله الرد قووي :
قال لها افتحي القران على سورة الحج آيه ( 11 ) بتلقين حل مشكلتك !!
الآيه تقول :
( ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين )
تدرون إيش معنى حرف ؟؟؟؟؟
يعني "شرط" .. يعني بالمصطلح العامي عندنا "عطني واعطيك" !!
استغفر الله واتوب اليك
تخيلو نتعامل مع الله كذا ؟؟
السؤال : كم مره عبدنا الله على حرف ؟!
شاركي في النقاش
سجلي الدخول لإضافة تعليق.
التعليقات
14- بالفعل هذا حااااصل كثييييير عندنا وفي زمنا
وللأسف شفته في أكثر من وحدة تنقلب في يوم وليلة صلاة وعبادة واستغفار عشان شي معين وبس يحصل لها ترجع فلانة لعادتها القديمة
الله يهدي الجميع ويستر علينا ويرزقنا بحلاله عن حرامه - الله يرحمنا ويغفرلنا يارب
- والله انه صادقه يااختي بعض الاحيان ادعي ربي واصيح عشان يعطيني الي ببالي وبعدين اقول الحمدلله الله مو مقصر علي وعاطيني كل شي بس احنا طماعين اللهم اجعلنا من عبادك الصالحين يارب والف شكر لك علي الموضوع الهااااام والله يجعله بميزان حسناتك يارب وينفع الناس ان شاء الله
- استغفر الله العظيم واتوب اليه , الله يرزقنآ قلوبآ تحبه وتخشاه وتجله ويجعلنآ همنآ الآخره .!!
- الله يرحم حالنا يارب ولا يؤاخذنا على غفلتنا يارب
مواضيع مشابهة
تابعي تجارب أخرى من هذا القسم.