رجاء من كل الي راح يسافرون..بيضوا وجوهنا العربيه
رجائي هذا لم يأتي من العدم بل بمواقف مررت بها وللاسف ممكن البعض يعتبرها عاديه بس انا اعتبرها مهمه...في ناس لما يسافرون يعتقدون انهم لما يكونون بعيد عن بلدهم وعن المجتمع الي يعيشون فيه كل شيء صار عااادي ...في اللبس والتصرفات وابسطها اثناء تناول الوجبات في الفنادق خذوا هالمنظر مثلا والي شفته بنفسي.....كنا نتناول وجبه الافطار في الفندق وطبعا فيه الاجانب واهل البلد نفسه ومن كل الجنسيات والكل لو انه الصبح بس مرتبين في لبسهم وطريقتهم في الجلوس والاكل ...تدخل عائله وللاسف خليجيه للمطعم الاب بجلابيه للنوم والاطفال ببجامات وشكلهم مو مغسلين حتى والام بعباءه طبعا..وداخلين في آخر وقت للبوفيه فاغلب الاكل شايلنه بس الاب يعترض ويزعق وينادي على عياله كانه في بيته... وشكلهم ملفت..والله اني استحيت من نظرات الناس الاجانب لهم ....طيب ليييش نخلي العالم ياخذون فكره سيءه عنا ويسمونا غجرييين ..طبعا موالكل جذيه بالعكس في ناس محترمين شكلا وتعاملهم راائع ...لا تقولون كييفنا احنا رايحيين نستمتع مو حفله رسميه ..لا ترى لكل مقام مقال ..فرجااااءا بيضوا وجهنا وخلينا بالادب الاسلامي الي تعلمناه من رسولنا الكريم .