قررت أقتل بناتي ... وانتحر ............. الحقوني/ قديم

الله يعينك والله الاهل دايما لمن يكونو قريبين غثا
الله يفرج همك
عمر بن الخطاب قال تزاوروا ولا تجاورو

اختي صاحبة المشكلة


طبعا اولا واخرا انا وانتي عارفين تمام انه الانتحار غلط والقتل وووو حبيت اذكر ولو اني عارفة انك قلتيها مو قصدا بس من قهرك وهذه تصير لنا كلنا من القهر نقول احسن اموت نفسي ومن هالكلام لكن في حال فكرتي بالشيء هذا فعلا حقيقة لازم تروحي طبيبة نفسية .


انا معاكي ولكي كامل الاحقية تلبسي الي تبغي واللي تقولك تتعري و من ده الكلام يعني مو فاهمة ليش الاسلوب هذا في الكلام وسوء الظن تركوا كل المشكلة وجو على اللبس ومع ذلك انتي حرة حرة حرة محد له حق يقولك هذا غلط وعندك غرفة البسي فيها كل هذا من حقك و حق كل زوجة .

فكرت لك في حلين اعملي الاول واذا ما نفع شوفي الثاني بس فكري في الحلين مضبوط

بالنسبة للحل الاول ((( الي يقول كيف تخلي حرمة كبيرة تتنقل من بيت لبيت انا اقول غلط وما يصير اذا كانت حرمة كبيرة عادية مثل العالم والناس وطيبة لكن <<<<<<<<<<اذا كانت شريرة اختار الحل اللي يريحني ما قلت اطرديها لا تقعد عندي شهر وشهر بيت ولدها الثاني وشهر بيت ولدها الثالث )))

يعني مادام الحماة هذه شريرة وما كفت شرها فليش نخلي صاحبة المشكلة تبلع الشر كله للابد لا لازم نعطيها حل يريحها اطراف المشكلة والحل الوسط برايي :

الولد (( مستحيل اترك امي تعيش لوحدها ))) <<صح وانا معاه في النقطة هذه واذا كانت امه طيبة طانت سكنت معاه للابد لكنها شريرة فلازم حل يرضي جميع الاطراف .

الام (( ما تبغا تسكن لحالها خايفة ))) << طيب حنسكنك مع اهلك وناسك اهم شيء لسانك صونيه و ممكن تتادب لما تشوف تعامل كناتها الثانيات وتقارن بينه وبين تعامل صاحبة المشكلة وتتغير .

الزوجة ((( تعبت من تعامل ام الزوج وما تقدر تعيش حياتها مثل ما تبغى )))<<<الحل بعيدا عن القتل والانتحار ولا تضغطي على نفسك .


:::::::> شهر عند الولد الاول ___ شهر عند الولد الثاني _________ شهر عند الولد الثالث <::::::::::و هكذا

يصير الام ساكنه مع اولادها مو لوحدها والابن ما ترك امه كل شهرين تقعد معاه و الزوجة ارتاحت على الاقل لفترة شهرين .
و ام الزوج ممكن تتادب لمن تشوف تعامل الكنات الاخر وتقارن ويمكن ينصلح حالها يارب امين وبنفس الوقت بتغير جو وتشوف احفادها الثانيين .

ملحوظة الحل هذا اعطته واحدة من المعلقات وحبيت اذكره مرة ثانية

الطريقة :::

استخيري ربنا شوفي زوجك لما يكون رااااااااااااايق قوليله تطلعون مع بعض بره البيت روحوا البحر اي مكان هادي وقوليله انا ما ارضى امك تسكن بروحها لانها مثل امي و احبها ووو <<< حسسيه بان امه لها معزة عندك , لكن بنفس الوقت يعني ابغا اخذ راحتي و كمان يمكن هي ترتاح وتغير جو وتشوف احفادها الثانيين بالحل هذا يصير انت اعطيتني حقي واعطيت امك حقها شهر تسكن معانا واشيلها فوق راسي وشهر عند اخوك و شهر عند اخوك الثاني كله بالعدل يعني ما يصير انت ما تقعد معانا طول الوقت بره و انا ما اشوفك ووو خلاص انت كلم اخوانك وقولهم حق من حقوق امكم عليكم رعايتها ولازم كلنا نتقاسم هالشيء
و اقنعهم بكده ووعد مني لك في الشهر الي بتكون عندنا بحطها فوق راسي بس اهم شيء حقوقي ما تضيع واقدر اتنفس واعيش حياتي ليا 5 سنين مو قادرة اتاقلم والله يهديها عمتي هي صعبت علي الشيء هذا لو سمحت اعطيني حقي وخليني اتنفس واعطيني فرصة ارتاح شهرين بس وبعدها بتنورنا هي كمان بس شهرين فكر بحلي ورد لي خبر اذا كلمت اخوانك او لا , واذا عمتي ما وافقت نقولها انه نحنا بنسافر شهر و فعلا نروح شهر اي مكان او حتى نروح شاليه لمدة شهر المهم عشان امك تتاكد انه الشهر هذا ما بتشوفنا عشان تتعود وتتاقلم وتطمن علينا يصير وهي بالشهر هذا الي ببيت اخوك اخوك يقولها امي بتسكنين معايا هالشهر ونهاية الشهر يجي اخوه الثاني ويحلف عليها تسكن معاه ثاني شهر وتقعد معاه ثاني شهر وثالث شهر انا بنفسي بجيبها هنا واستقبلها وهكذا حتتعود على الفكرة ممكن بالبداية تصتصعب الموضوع لكن بعدين حتتعود وبالعكس هي الي تقولك ابغا اروح عند اخوك وحشوني احفادي وهذا وجهي اذا ما قالت لك هالكلام <<<ترى فعلا هذا الي حتقوله مجرب .
اذا اخوانه رفضوا الفكرة خليه يغصبهم ويقنعهم يقولهم انه مرتي مريضة وما تقدر طول السنة تشتغل لازم نتقاسم خلي يقول اي شيء المهم شهر هنا شهر هناك شهر هنااااك .

اذا زوجك رفض الفكرة قوليله اذا تقعد معايا البيت 24 ساعة وتتحمل مو تروح عند اصحابك وتغير جو صارحيه خلاص قوليله يا انك تنصح امك تغير تعاملها معايا يا انك تشوف لي حل انصحها النصيحة مو حرام ولا عيب , وبعدين لازم اخوانك يبروا بامهم كمان مو بس نحنا , ولا هذه مو عيشة انت طول الوقت بره وانا اسمع كلام مو حلو الين متى , انت فكرت لك بافضل حل يناسبنا كلنا واتمنى اذا رفضته تقعد معايا 24 ساعة واذا رحت عند اصحابك اروح عند صحباتي لاني اتحملت كفاية .<< طبعا لا تقوليه باسلوبي قوليه باسلوب افضل .

الحل الثاني : <<< فكري فيه مظبوط وعلى عواقبه

اعملي نفسك انه فيكي جني يصير هي تخاف وتهج من البيت بكبره , بس اخاف تنشر اشاعات ويخافوا منك الناس او بناتك يخافوا
اقول بلاش منه ولا بعدين زوجك بيخاف منك .

الحل الثالث ::(((((00تواجهيها وتصارحيها والصقيلعا شهر حب ومغازل فيها يمكن تقتنع انه انتي تحبيها او تطفش منك او تهج يعني امشي عدل يحتار عدوك فيه <<< يعني هي اللي متوقعته انك تكرهيها وووو, اقلبي الطاولة والصقي لها حب ومغازل خلي شيطانها يحتار يمكن تتعدل قوليلها حبيبتي ((لا تطبخين لها )) ايش الحلاوة هذه و احلوتي صرتي شباب وووووو غزل 24 ساعة الين تفكر انك تحبيها ههههههههه يمكن تهج من البيت عامليها باللي ما تتوقعه


اول شيء عليكي بالدعاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء

الله يهديها

الله المستعان

احمدي ربك انتي قعدتي اسبوعين عروس ههههههههههه
اعرفلك قريبتي من صباحيتها كرف ونفخ
وتخيلي موب عايشه امه وبس معها
لا حبيبتي عيالها الـ 3 غير زوجها طبعا
اثنين منهم متزوجين وواحد لا طبعا اللي متزوجين ما طوولو يمكن قعدوا سنتين 3 سنين وطلعوا
اما الاخير لا جلس وطوووووووول لما طق عمره 30 ثم تزوج
وهي الحين مبتلشه بـ امه
ولابعد ازيدك من الشعر بيت زوجها تزوج عليها وماهو حولها
وهي للحين تطبخ وتنفخ لامه
ولابعد عندها حموات الله لايوريك شياطين مووب اوادم
يعني انتي حالك اهوون من حالها بكثيرررررررر
الله يعينكم ويفرجها عليكم يااااااااااااااااااارب
والله اني حاسه فيك وفي قريبتي بس وش تسوين هذا ابتلاء من الله
ولاتزعلين ترى الولد بار بامه مهما كانت متسلطه وطويلة لسان بتبقى امه
ومثل مابتتحملينها الحين عيالك بيتحملونك
ادري انه شيء يخنق انك ما تاخذين راحتك في بيتك
لكن هذا امر الله مامنه مفر .!
ادعي رك واستغفري لما يجيك الفررررج
الله يسعدك يااااااااااااارب