الله يوفقك يا رب
بخصوص التعامل بينك وبين المدرسين انا كنصيحة لا تتنازلي عنها كل حياتك لا تقبلي من وحدة منهم لا هدية ولا انها تدفع اي شئ للمدرسة بدون ما تحاسبيها فيه كل خدمتها حتى تبقي دائما انت العينك قوية عليها وتقدري تعطيها ملاحظات بدون اي تهاون..- انا عماحكي من منطلق شخصي انه تعرضت لهدايا من الانسات - وفعلا لما بدي نبه الوحدة على شي ما اخجل منها ونبهها اما لي صديقة صارت تقبل فلما بدها تنبه الانسة على شي تخجل منهم احيانا لانهم مغرقينها هدايا ...
الشي التاني تكون احاديثكم بالمدرسة عن الشغل وبس ولا يعرفوا اي شي عن حياتك الخاصة مهما كان بسيط ومستصغرتيه لانه الانسات بينهم ممكن يفهموا شي عن حياتك الخاصة انت بغنى عنه..مهما كان الامر لا تستهيني ولا تحكيه
وقت بدك تاخذي قرار اداري ممكن في ناس بياخذوا راي الانسات انا ما بفضل هالطريقة بصراحة لاني بفضل اني لما بدي استشير لقرار اداري ما اني ارجع لناس بالادارة كمان معارف لي وعندي ثقة فيهم بفضل اكتر من اني اقعد اتناقش مع الانسة لانها حتما ممكن هي تفضل مصلحتها وتنصحك لبعيد فيها اكتر من انه يهمها فوائد للمدرسة ...مثال...انك تحطي للحمامات مشرفة خاصة هي المسؤولة عن ادخال الاطفال للحمام الصغار وانها تعتني فيهم اثناء التغسيل ما يبلوا كل تيابهم...بالمدرسة منهم مين ممكن يعترض وبقلك مالها داعي وبدها الانسة ما حدا يتدخل بطلابها اما هو فعليا ضرورية هالقصة مشان تضمني سلامة للاطفال بشكل احسن...وللاهل حتى يرتاحوا بشكل اكبر انه اطفالهم ما حيوسخوا تيابهم نجاسة لو كان لهم مشرفة خاصة بتهتم لنظافة الطلاب ...ممم هلا هذا يلي ببالي لو عندك اسئلة كمان ممكن جاوبك
في شغلة كمان حلو انك تعملي كل شهر عزيمة للانسات فطور مثلا على حسابك لانها ممكن بتعمل ود بينكم والفة...ممكن انك بمناسباتهم تروحي تحضريها وتباركيلهم وتهديهم وبهالشكل بتحافظي عالود بينكم وبتكوني راسمة حدود ناسبة للعلاقة بينكم ....
تحياتي
اسمي كليوباترا مو كيلوباترا على فكرة ...للتوضيح
ودي افتح رياض اطفال وخايفه من الفشل
متابعة النقاش، صفحة 7