صراحه خوفتني هالجاره

1- حبيبتي من صفات الله أنه ستار عشان جذي أتمنى إنج تسترين عليها ولا تفضحيها قدام أي مخلوق مهما جرى بينكم وتأكدي إنه هالشي بيكون في ميزان حسناتج.

2- لالالالالالالالا تبلغين زوجك بالموضوع أبداً لأنه هالشي بيسببلك مشاكل ويا ريلج وبعد احتمال كبير يخبر الجار عن حرمته وتستوي مشاكل إنتي في غنى عنها

3- بلغي الجاره إن ريلج ما يبيج تختلطين بأحد وخاااااااصة هي بس لا تعلميها السبب وأنا متأكده إنها بروحها راح تعرف ترى على راي المثل (اللي على راسه بطحه يحسس عليها) يعني هي 100% راح تستنتج السبب

اختي والله مقدره الظرف الي انتي فيه .......ز
بس ستري عليها وفي نفس الوقت خوفيها
يعني قولي لها ترا احنا خدامتنا جذي وجذي سالفتها وبو الشباب حط شريط عشان يسجل المكالمات وذاك اليوم قاعدين نسمع المكالمه وسمعناج تكلمين واحد وهذا الكلام الي دار
وزوجي وايد يعز زوجج وقال مستحيل اسكت لاااازم اقوله وانا هديته وقلت له بنصح الحرمه وترا زوجي كل يوم يقول بيقول لزوجج وبيسمعه الشريط
خليها على اصعابها وفي نفس الوقت خلها من الخوف تقطع علاقتها بهالشخص

ياويلي قسم بالله موقف صععب وشلون للحين متحملته
والله اني احس انه كل يوم كلامها باذنك
وش رايك تدورين كتيب عن المغازل وترسلينه لها واقطعي علاقتك فيها ولاتردين على تليفوناتها

اللي تقول استري عليها ولا تفضحينها
بالله عليكم هذا رد هذه الانسانه خاينه لزوجها وترتكب كبيرة من الكبائر تعاقب بالرجم حتى الموت
كيف تبغونها تسكت عن المنكر وين غيرتنا كمؤمنات على ديننا وعلى شرع الله وين انكار المنكر
ونقول ليش المصائب والفتن وقلة الامطار والغبار والعواصف
الله سبحانه وتعالى ما يفظح المذنب من اول مره ولكنه يفظحه ويكشف ستره بعد مرات ومرات ومرات من ارتكابه لذنب والمعصيه
وين النهي عن المنكر وين الغيره
ترضين ان زوجك يخونك ويكون في احد يعرف ويتركك في غفلتك وما يعلمك عن خيانته ترضين تكونين مغفله حرام والله حرام هذا الزوج المغفل ما يدري وما ذنب هؤلاء الاطفال وامهم.........
تبغون تستر عليها عشان تتمادى في غيها وفي كبيرتها
وبعدين افرضوا ان الرجال اللي كانت تكلمه هذه الحرمه عنده كاشف وهذا اكيد وصار يكلم ويعاكس هذه المسكينه من غير ذنب كيف تبرأ نفسها عند زوجها وانتم تقولون لا تعلمين زوجك
الى اختي صاحبة الموضوع نصيحتي لك ان تاخذي الشريط وتوريه زوجك وتأكدي له انك مصدومه فيها ولو كنت تعرفين عنها كذا ما كان دخلتيها بيتك وزوجك اكيد يعرفك ويعرف اخلاقك وحسن نيتك وراح يصدقك على الاقل لو لا سمح الله حاول ذلك الرجل مريض القلب انه يلعب يكون زوجك عنده خبر
اما هي فانصحيها وخوفيها بعقاب الله وغضبه وانه مهما امهل الله لها فانه لن يهمل وسوف يفضحها في الدنيا والاخرة ان استمرت ولا تدخلين هذي الاشكال بيتك حفاظا على سمعتك

صح لسانك اخت === لقيت روحي ===