عيوني فراولة
الحمدلله إن الأمور اتضحت لج وإنتي على البر
والله يرزقج باللي يصلح لج ويكون خير لج
واللي انتي فيه طبيعي وإن شاء الله راح ترجعين تتقبلين الموضوع بعد فتره
ويوم يجيج نصيبج بتشوفين انج متقبله الموضوع وكل شيئ بيتيسر
أهم شيئ يوم تحسين نفسج رجعتي تتقبلين فكرة الزواج إنج تعيشين حياتج عادي .. يعني لا يكون هم متى راح تتزوجين هو شغلج الشاغل .. كملي دراسه اشتغلي في البيت تعلمي طبخات جديده اخذي دورات اقرأي تفقهي في الدين احفظي قرآن .. تعلمي أشغال يدويه .. سوي الأشياء اللي تحبينها.. توظفي إذا ممكن.. عيشي حياتج
وفي نفس الوقت ادعي الله كثير يرزقج الزوج الصالح النقي .. إذا جاه حياه وإذا ما جا ترى الحياه ماشيه فينا ولله الحمد
وأقولج شيئ قاله الرسول صلى الله عليه وسلم: "اقضوا حوائجكم بالكتمان"
لا تقدم لج شخص في المستقبل صلي استخاره والجئي لله كثير وادعيه يرشدج واسألوا عن المعرس وبعدين لا تم الموضوع علمي
الله يوفقج ويسعدج
اللي متابعين موضوعي عن اللي تقدم لي ادخلوا اقولكم الاخبار
متابعة النقاش، صفحة 2