شاركي في النقاش

سجلي الدخول لإضافة تعليق.

التعليقات

91
  1. @am_aayalha_4

    خذيها مني شاوري زوجك وطاوعيه

    ماعليك من احد

    والرجال عزمكم

    وعلى المسلم حق اجابه الدعوة

    وقولي لبنت عمك

    زوجك عزمنا ولاقدرنا نرد العزيمه

    وقدري الحرمه وجيبيلها الهديه الزينه

    وترى الهديه تمثل قيمت المهدي وليس المهدى اليه .
  2. @mngo

    أنا رأيي تمشين على إلي يقوووووله لك زوجك

    قالك نزور بيت أخوي الثاني روحي ما قالك لا تروحين ولا عليك من أحد

    خلونا نكون واااااقعيين مايحق للأولى تتدخل بالثانيه ولا الثانيه تتدخل بالأولى

    وبرضو نكون صريحين هو صح الأولى بتتضايق وتزعل وتنقهر ولا تبي أحد من العايله يعطي

    الثانيه وجه لكن تظل بعد الثانيه لها حقوق وبالإسلام ما أجرمت حتى تتم مقاطعتها من قرايب

    زوجها .. نفكر بهذي الأمور بالعقل مو بالقلب لو بالقلب محد وده يحط نفسه بمثل هالمواقف

    أما بالعقل وبالدين بالذات ماحرم زيارتها وأمر بمقاطعتها ونبذها إكراما للأولى ..

    الشكوى لله صحيح الضره مره ومايعرف هالإحساس إلا إلي جربه لكن بعد

    مايصير تقاطع الثانيه جبر لخاطر الأولى خلونا واقعيين

    إذا الأولى ماعندها إستعداد تقابل الثانيه وتزورها هالشئ راجع لها ومن حقها

    لكن مو من حقها تمنع أهل زوجها من زيارة الثانيه وتبني رضاها عليهم إذا مازاروها

    هي بعد زوجه ثانيه وهذول أهل زوجها وبالإسلااااااااااااااام ماسوت منكر أو محرم حتى تنبذ

    أتمنى يفهم كلامي و وجهة نظري بالعقل مو بالقلب
  3. @om_musleem

    لا تروحى
    وخلى زوجك يقول لاخزه ان زوجتى ما تبى تجيكم علشان فلانه ما تزعل وما تبى تخسرها
    لو انا والله ما اروح واعتب اشد العتب اذا راحت سلفتى
    صح المفروض سلفتك ما قالت لا احد يروح يزورها بس السلفات المفروض يراعو شعورها
    خليها سنه او اثنين او حتى لحتى تخلف وتهدا سلفتك شوى بعدين روحى زوريها وخوذى هديه محترمه
    هذا رايي
  4. @aatrh_1

    انا اقولك حطي نفسك مكان بنت عمك وجاوبي بذمة وضمير لانك لو كذبتي علينا ماتقدرين تكذبين على الله

    هل ترضين بنت عمك تزور طبينتك؟؟

    وعلى جوابك قرري اذا ترضين تزور طبينتك روحي واذا لا لاتروحين


    وانا لو مكانك والله ماجرح بنت عمي

    لان الايام دوارة

    بغض النظر عن زوجتة الثانية حتى لو ماضرتك بشي

    يعني اذا جتك رحبي بها واذا شفتيها بمكان سلمي عليها

    بس انك تزورينها لاا





    بس سالفة انو تحسدونها ترا


    سالفة الحسد والعين صارت عند بعض الحريم مرض الله لايبلانا


    وانا اعتقد ان بنت عمك مو قصدها حسد بس مجروحة وتبيك تفهمينها انو انتي بنت عمي المهم تراعي مشاعري وتوقفين معي

تابعي تجارب أخرى من هذا القسم.