قاتل الله الحسد ماااااعدله بدا بصاحبه فقتله

حبيباتي الأرزاق بيد الله سبحانه وتعالى
وانا مرشحه ومنسيه ماتمت فرحتي يعني بدري عليكم تعتبرون السالفه حسد ياللي ترشحتو انتظرو ...
والله يوفق الجميع اللي ترشحت واللي ماترشحت ..

المفروض كان لنا الأولويه في الأمر الملكي لأن حنا ترشحنا وانهينا كل مطابقتنا كلنا حدود 6000 وش كان قاصرهم لو كملو ترشيحنا بس انا عن نفسي ماادعي الا بسجودي على من سلب من فرحتي ..

اما سالفة الواسطه والرشوه فكان لها الحظ الأوفر في هالمكرمه لأسمع وحده تقول ماكان في رشوه ولاواسطه
إذا كان 1000 وحده ترشحت بنزاهه فالباقين ال27000 كلها رشاوي وواسطات ...

كبو عنكم سالفة الدعاوي وهالكلام كلن ينشغل بنفسه ويريح عمره ماحد ناقصه فوق همه هم وقرف اتقو الله في الدعاوي مو امهاتنا ولاابائنا تدعون على من يطالب بحقه .....
ياللي ترشحتو روحو جهز انفسكم للمطابقه ثم المقابله واتركو المنتدى والموجوعين فيه الله يكون وياكم ..

حرام تدعي على المسلمات بالمرض عشان وظيفه ,,

الله المستعان

يابعدي انتي ياقلبي على عيالي وانتي الصادقه مارح يعيدون المفاضله مستحيل اصلآ ماطالت المده الا بسبب الواسطات عشان كلن يوصل حق معارفه

وبعد لاتستبعدين سالفه التلاعب خالتي ورب البيت لها 13 سنه متخرجه ونقاطها حلوه وماجاها شي اجل وش هو له قالو الأقدميه يضحكون على انفسهم مو علينا ...
لو ماكان في تلاعب كان كل ال28000وظيفه كانت من نصيب من هن من 10 سنوات وفوق متخرجات
انا مازعلت على حالي بالرغم ان لي 7سنوات متخرجه بس زعلت على خالتي ..الله يعوضنا خيرآ منها .
بالأخير اللي ترشحت بجهدها وبدون واسطه ولارشوه صدقوني رح تتهنى بوظيفتها والله يهنيها واللي عكس مارح تكون مرتاحه لاكذا ولاكذاك يعني لاتزعلون ياحبيباتي ...

الحين يوم بنت خالتك واثقه انها مارشت ولا توسطت وان اللي جاها رزق من اللي خلقها وراها ماتحمد ربها وتشكره وتدعي انه يتمم فرحتها بالتعيين مو افضل لها طالما انها مشت في الدرب الصح ماعليها حتى لو عادو الترشيح رغم مستحيل هالشي لو كان عندها يقين ان هذا رزق من ربي وانها تستاهله كان ماأثر فيها الموضوع ابد وكان عرفت لو عملوا الناس الهوايل ماراح يمنع رزق ربي عنها اي احد كان مو تقوم تدعي وتتحسب وتولول كانها عامله عمله سودا وخايفه تنكشف
قولي لبنت خالتك واثق الخطوه يمشي ملك يالغلا