بسبب شقة ,,تمشكلت مع زوجي واهله...لو مكاني وش راح تسوين؟؟؟

أتمسكني لحد ماتتمكني
وارجعي ومع الوقت والمعاملة الحلوة والكلام اللين يكون زوجك خاتم باصبعك وام زوجك لاتعطينها اكبر من حجمها
يعني خوذي حقك و عطيهم حقوقهم بلا زيادة او مجاملة
والله يفرجها لك ويصبرك على المقسوم
اهم شئ بنتك لا تنحرم من حنانك وانتي عايشة
واعلمي ان الرجل اذا عاندتيه مايرحم 

الله يصبرك ويكون في عونك عايك بسهام الليل فانها لا تخطئ
والله يحنن قلبه عليك مع اني ما اظن اهله كلهم حوله بيقولوله خلها عند اهلها والكل يضغط عليه من كل مكان وماراح يسمع الا كلامهم لانهم حوله ومابيعطونه فرصه يفكر بوعي وعقلانيه
لكن ادعي ان الله ييسر لك همك ويجعل لك من كل ضيق فرج يارب يارحيم
وبنتك ادعي ان الله يحفضها ويبعد عنها اهل السوء
وفعلا اذا ضاقت بك الحلول واضطريتي ترجعين ارجعي وحده ثانيه مالك صلاح باهل زوجك ولا بجمعاتعم اعزلي نفسك عنهم بنفسك
سوي مطبخك بنفسك
طلعي اغراضهم بنفسك حلي كل شي بنفسك ولا تستنين زوجك
الله يارب ما يعدي ذا اليوم الا النفوس تصافت

شوفي ياقلبي ريلج واهله ماينفع معااهم الا التطنيش

يعني مافيه احترام لج ابد

على اقل يسوي شروطج لكنه شكله واثق انج بتردين فعشان جذيه مايبي يسوي شي

اول شي تسوينه سكري جوالج وطنشي لهم ولاتكلمين حد من طرفهم عشان يحسووون انج مب ضعيفه جدامهم

واذا بغوا يتفاهمون قولي لهم كلمه وحده ابوي موجود تعالوا تفاهموا معاها

الوحده لاتنازلت ترخص ترا فخليج جديه شوووي وكل ماقل كلامج وصار فيه غمووض راح يدورن رضااج

وريلج شكله عنيده ولما شافج تبين تتنازلين استانس وزاد عناااااد

طنشي فترة وراح يلين معاااااااج

لا حول ولا قوة الا بالله

والله انك ضعيفه كيف ترضين

هو شافك ضعيفه وقاعد يلوي يدك حبيبتي اللي قاعده تسوينه غلط في غلط خلاص المسأله الحين خليها بين الرجال واطلعي منها انتي مو كل مادقوووا قعدتي تردين وتقولين الشكوى لله وش الضعف هذا خلاص ياختي قفلي جوالك وحطي شروط واضحة وصارمة ياكذا يامع السلامة واللي يتفاهم معاهم ابوك مو انتي وفي هذي الاثناء قومي الليل وصلي واستغفري وشوفي كيف يجيك هذا الحقيررررر يركض وراك