شاركي في النقاش

سجلي الدخول لإضافة تعليق.

التعليقات

2,007
  1. @rooz_barys

    السلام عليكم ورحمة الله وبركاته

    كيف حالكم حبيباتي

    انا عضوة جديدة في المنتدى ,,, التجمع هذا هو اللي شجعني على التسجيل بالمنتدى بصراحه لاني فعلا محتاجة اسالكم ومحتاجه احد يكون معاي


    بدون مقدمات
    انا متزوجه من 3 سنوات ونص ..ما صار لي حمل ,, الحمدلله على كل حال
    بديت اراجع الاطباء انا وزوجي
    انا طلع معاي هرمون الحليب ضارب في العلالي مع ان دورتي منتظمة جدا
    وزوجي طلع معاه دوالي بالخصية ومسببة له ضعف في حركة الحيوانات المنوية

    والحمدلله سوا العملية ,, بس انا اذا تركت العلاج ارتفع الهرمون
    اخذت كلوميد
    اخذت ابرة تفجيرية
    رحت مسادات
    اخذت ادوية شعبية

    والحمدلله على كل حال

    ماصار حمل

    والحين سويت لي ملف في اطفال الانابيب

    و الخطوات اللي بديت فيها هي

    ** اخذت الابرة التحضيرية في اليوم 21 للدورة

    وفي انتظار الدورة ,, المفروض تنزل خلال هاليومين واحس باعراضها

    بس ما نزلت


    اي نسيت اقولكم انا اتابع عند د.ريم الكردي

    قالت اذا نزلت الدورة اجيهم اسوي تحليل الهرمون

    بس ما ثبت اي يوم حددت لي من الدورة

    كانها قالت لي 3 او 4 يوم ,, احاول اتصل للعيادة محد يرد علي ابي اسالهم متى التحليل لو نزلت الدورة
  2. @hsba

    كود الله ييسر لج يا حبيبتي ويبشرج بالخير في خطواتج انت وكل البنات


    والله صج سالفة سمية خشاااب هاذي عجيييييييييبة هههههههههههه حبيتها


    روووز باريس الله يكتب لج الحمل من اول محاولة يارب بس وكلي امرج لرب العالمييييين والتزمي بالاستغفار ويارب تبشرينا بحملج
  3. صباح الخير بنات شخباركم
    أنا اليوم لي تاسع يوم ترجيع وما ادري من البارحة صايدني اكتئاب وصحيت الفجر أصيح ،، احس مالي نصيب في الحمل هالشهر وقررت انه هاي اول وآخر مرة ولا عاد اروح لأي دكتور حمل أبدا ،،، خلاص ثلاث سنين ونص اركض ورا الدكاترة وخذت من الابر ما دمر جسمي وشعري وبشرتي ،، احمل وانبسط شهرين واتعلق بالببيبي ويموت،، يمكن الله مب كاتب لي الذرية ليش اعترض؟؟ أنا راضيه بقضا ربي ،، خلاص مب متعالجة أبدا ،، بتقولون بدري بقولكم كل نفس ولها طاقتها تعبت ما فيني اجرب
    مرة ثانية ،،، بركز ع أحلامي الثانية غير الأمومة ،، وبريح نفسي من موضوع الحمل ،، مب مقضية عمري اركض ورا بويضات وتفجير وتلقيح وأنابيب وانتظار ،، كل هاي حطيته في صندوق وقفلت عليه وبقطه في اعمق نقطة للنسيان .

    صراحة احي شجاعتكم وقوتك بنات وبالذات الي حاولوا اكثر من مرة وفشلت ،،،والله يقويكم ويرزقكم من واسع رحمته


    تحياتي
  4. صاحبة الموضوع
    greengrass80
    صباح الخير بنات شخباركم أنا اليوم لي تاسع يوم ترجيع وما ادري من البارحة صايدني اكتئاب وصحيت الفجر أصيح ،، احس مالي نصيب في الحمل هالشهر وقررت انه هاي اول وآخر مرة ولا عاد اروح لأي دكتور حمل أبدا ،،، خلاص ثلاث سنين ونص اركض ورا الدكاترة …
    انا خذته مرتين مرة المحاولة اللي طافت و مرة اخر مرة حملت عطاني الدكتور عمر .. صراحة ما حسيت ان وزني زاد هو زاد لاسباب اخرى اني كنت مكتئبه و حاطة همي في الاكل بس فعلا ويهي وايد تنفخ الكل لاحظ و ماحسيت فعلا بتأثيره الا بعد ما تركته و بدت اطرافي وويهي يرجعون طبيعين .. اكتشفت اني كنت منتفخة..مع ان الجرعة وايد قليلة .




    :35::35::35:


    حياج الله بينا اخت عزيزة و غالية .. وان شاء الله يارب يرزقج عاجلا غير اجل ..
    روحي لهم ثاني او 3 يوم .. 3 احسن علشان تكون البطانة خفت و اذا صادف نهاية الاسبوع عادي روحي لهم الاحد حتى لو كان 5 يوم ..تروحين تسوين تحليل و تصوير و تدخلين على الدكتورة ... لو ما نزلت الدورة بعد الابره باسبوعين روحيلهم وقوليلهم ان مر اسبوعين على الابره بعد لان الابره مفعولها شهر فلو ما جات بعدها باسبوعين في ناس تحمل على الابره فراح يسون لج تحليل حمل..
    الله يسير لج يارب اي سؤال انا حاضرة..


    ليش ليش هالمأساه انا ما قلتج ان اسبوعين الانتظار قطار موت ..مرة فوق و مرة تحت.. حتى انا بتشوفيني في اسبوعين الانتظار مرة اكون متفااااااائلة ومرة مكتئبة ..خليني اقولج انا علشان ولدي كوكو عالجت 6 سنوات كل العلاجات مريت فيها و 3 محاولات انابيب لما كنت اتعالج كنت اقول بالضبط نفس كلامج ..سبحان من خلق الانسان و انعم عليه بالنسيان مجرد ما حملت و جبت ولدي نسيت ولا كاني تعالجت و لا كاني مريت باي شي..سبحان الله بردا و سلاما نسيت و تعرفين سبب اصراري هالمرة على العلاج لان جربت حلاوة النجاح وجربت النتيجة و النتيجة حلوة وتستاهل كل ابرة كل كشف كل انتظار كل تعب .. الامومة تستاهل كل شي .. جربت رحمة ربي .. جربت شلون هو كان كريم معاي و سبحان الله عندي حسن ظن .. خلي عندج حسن ظن بالله و شنو ثلاث سنين شوفي الناس اللي صار لها 10 و15 سنة تكون الوحدة قربت على الاربعين و للحين تحاول .. انا صديقتي تمت 8 سنين و بعدها جابت 3 ماشاء الله كلهم بالانابيب اشدراج ان ربي ما كاتبلج عيال ..هذا مب اعتراض هذا اخذ بالاسباب.
    انا بقولج ان حرماني من احسن ما صار في حياتي من نعم ربي علي ان حرمني من الانجاب فترة .. لان كل هالتجارب علمتني الصبر و قوة التحمل و صقلت شخصيتي .. نظرتي للحياة تغيرت ... نظرتي للامور تغيرت و صارت اولوياتي مختلفه و ايماني بربي صار اقوى

    تعوذي من ابليس
    وصلي ركعتين هذي الهرمونات لاعبة في اعصابج ..و طلعي مفتاح الصندوق الله يهيديج لا يضيع :35: بعدها نصير ندور المفتاح عند الحداد .. و الحداد يبي عروس و نرجع مرة ثانية للعروس اللي تبي عيال << رايقة

    انا مب قصدي اتفلسف عليج بس انا صار لي في هالطريق فوق العشر سنين .وشعورج طبيعي بس مؤقت
    شكلج حللتي !!!
  5. هلا كود ،،، لا ما حللت بس إحساس و الحمد لله أنا صار لي شهر مداومة ع قيام الليل وبتم ع جذيه والحمدلله لولا الابتلا ما وصلت لهالمستوى من التقرب لله وهاي الأهم ،، الدنيا فانيه وراضيه بنصيبي ،، وادري انه تجربتي ولا شي بالنسبة لغيري بس لا يكلف الله نفسا الا وسعها ،، ابي استرجع رشاقتي وجمالي وحياتي الطبيعية ،، ابي اكمل دارسات عليا ،، أتمني أني أصير ام أكيد بس خلاص جربت كل شي و سعيت في كل اتجاه وخذت بالأسباب عمري ما فوت موعد او دوا او دورة الا و حاولت وحاولت ،، سويت الي علي و الباقي بيد ربي وهو يختار الافضل لي ،،

    بالتوفيق في موعدك والله يرزقك يارب
    تحياتي

تابعي تجارب أخرى من هذا القسم.