صديقتي تركب سيارتنا ورا زوجي وتكشف(استوفى حقه من الردود

كفووووو زين تسوين اكرشيهااااا

حلو انه قال كذا
شوفي اذا انتم صديقات وتجتمعون ومحد يبيها ولايعطيها وجه لانها تكشف
لاتحرمين نفسك من الروحه والجمعة مع صديقاتك روحي موب تحرمين نفسك عشانها وعشان ماتركب معك
لا روحي ولا تاخذينها وش عندها؟!!
بتركب غصب؟
حاليا خففي الروحه مره روحي ومره لا زي كذا لين تهجد اصلا لو مارحتي صدقيني بتروح وبتلقى من يوديها
الزبدة ارفض ركوبها معكم وخليها تدري بهالشي قولي معليش زوجي معد يبغى مشاوير ويفرفر لبيتك
واذا قدرتي قولي ومايحب انك تتلثمين يخاف احد يعرفه يشوفه ويحسبك من محارمه
يعني فهميها ممنوع ركوب مو تحرمين نفسك من صديقاتك عشان ماتركب معك
لا روحي وممنوع تروح في سيارتك
الله يعينك
ورايي اتركيها ميب صديقة ابد ابد والدليل بتوري زوجك السنع ووشلون تردين عليه يوم قالت قولي الله يعطيك العافية
صدق لقافه والا وش يخليها تنط وتحكي وانتم تحكون صدق جريئة
وانت حافظي على شمعتك تقيد وشلون ترضين زوجك يمشور لبيتها عشان يشيلها وفوقها تسمع سواليفكم لا وتقط بعد
يمكن فيه اشياء هي محرومه منها وتقارن زوجك بزوجها
معدنها مو طيب والله اعلم وحسوفه عليها لقب صديقة

اسمحيلي هذي اسميها سذااجة ,,وبرودك وسكوتك شي غريب !!
والا انتي ناوية تحافظين على مشاعرها وماتجرحينها على حساب بيتك وزوجك !!!!؟
طيب هي لما تسوي كذا ليه ماراعت مشاعرك ! وفكرت فيك
وحده تبي تلفت نظر زوجك لها وتخرب بينكم ماتستاهل تسمينها صديقه
والمشكلة عيني عينك وبوجودك مااستحت الله لايبلانا ..وهي عارفه انه غلط
وانتي للحين مستحية منها !!!
يعني لو بيدها شي ثاني ماراح تقصر ,,انتبهي لنفسك وبيتك ولا تامنينها على اسرارك
الافضل تقطعين علاقتك فيها
مو بس سالفه روحة ورجعه او كشف وجه اللي مثل هذي بانت نواياها وماتنفع صديقه
وياما بنات انخربت بيوتهم بسبة صديقاتهم ..

قريت كل الردود وبصراحة من رايي لاتقولين لها زوجي يقول وزوجي راية فيك كذا وكذا لاتخلين لها مجال ان زوجك لة راي فيها حتى لو كان شين
وروحي لاتحرمين نفسك لاتمرينها واسفهي الجوال لاتردين واذا قابلتك قولي يوووة نسيت
والمرة الثانية قولي السيارة مليانة معنا خواتة بيطلعون وينزلوني
ومرة بتروحون كذا مشوار
لين تمل