هذي قصتي...................لللأسف! !!

السلام عليكم

لما امي لزمت اخذ الشخص اللي يقربلنا خبرت الانسان اللي كنت اكلمه واللي حبيته لانه كان واقف يمي في كل شي فطبعا هنيه هو قالي اني انا احبك وابغي اتزوجك والحين انا بخلي اهلي يوون يخطبونك

المهم أنا خبرت أمي بالموضوع بس ما قلتلها اني احب واح لا قلتلها انه اخو صديقتي وده يتقدملي وانا الصراحه احس اني مرتاحتله فقالتلي اني خلي اهله يتفضلوا وانشاء الله خير ............

انا خبرته خلي اهلك يوون بالمستشفى عند امي عشان تكلمونها بالموضوع.......... ثاني يوم امه وخواته وحريم اخوانه كلهم يوعندنا بالمستشفى وكلموا امي بموضوع الخطوبه..........

وبعدين ؟؟؟

بينما أهلي كانوا يسألون عن الرجال وأهله صار موقف للمرحومه امي

فيه حرمه تستوي للأمي بنت خالتها وهذي الحرمه عندها أولاد شباب وكانوا أولادها كلهم ملتزمين الا واحد كانوا امه وابوه طاردينه من البيت لانهم اكتشفوه يشرب خمر وكان ولدهم دايما يسير عند أهله يبا يراضيهم بس ما كانوا يستقبلونه وتموا مزاعلينه حول السنه (هم عائله حقوده) المهم هذا الشاب جائ لامي المستشفى وقالها يا خالطي كلمي امي وابوي عشان يرضوا على وانا الصراحه جاينك بعد عشان اكلمك اني ابغي اخطب بنتك (يقصد اختي اللي اصغر مني) المهم امي قالتله انا بكلم امك وابوك عشان يرضوا عليك بس في موضوع الخطوبه انته كلمهم لما انشاء الله تتصالحوا
بعدين امي اتصلت على امه وكلمتها وحاولت اتحنن قلبه بس هي كانت اتكلمها من دون نفس.... المهم امي ما لحقت اتبند التيلفون الا كان زوج الحرم داخل عليها غرفة المستشفى وقالها بأعلى صوته يا المكاره تسوي عمرك تعبانه وتتميرضين لو فيك خير قومي فزي من كرسيك وامسكي بناتك بدال ما دوريلهم على عرسان (حسبي الله عليه) وامي كانت طالعه ودموعها على خدها وكان محد عند امي في ذاك الوقت في المستشفى غير الخدامه واختي الصغيره وقعد الحيوان يسب ويعلي صوته والامن في المستشفى سمعوه وقاموا شلوه وعقوه برا المستشفى.....................

بعد شهر من السالفه طلعوا امي من المستشفى لانها كانت ليلة عيد ويبونها تعيد عندنا وفي صباحية العيد قمنا انا وخواتي ما حصلنا امي وسألنا الخدامه وقالت ماما طلعت مع الدريول ولما اتصلنا على الدريول انصدمنا انه جالنا انه امى عند بيت الناس اللي جوا المستشفى ونازعوها .......

لما رجعت البيت نازعناها قلنالها كيف تروحي هناك (وكانت رايحه بكرسيها ما تقدر تمشي) قالتلنا ما ابغي اموت وحد زعلان علي (الله يرحمك يا أمي)

وبعدين ؟؟؟

:44: لا حول ولا قوة الا بالله

والله العظيم اني جلست ابكي لما قرات قصتك

اه ياقلبي :(

الله يرحمهم انشاالله جميعا