شكرا عزيزتي (مطر الصباح ) صحيتيني من غفلتي

اولا
اشكر الاخت مطر الصباح اللي بفضل الله ثم فضلها قررت اغير مجرى حياتي
اشكرها انها خدمتني وهي ماتدري
وصدق القائل
مصائب قوم عند قوم فوائد
القصه بأختصار البارح كنت اتصفح منتدانا الغالي واستوقفني موضوع الاخت مطر الصباح وهي تتكلم عن مشكلتها مع بنتها
وهي تتكلم عن علاقتهم كأنها تتكلم عن علاقتي ببنتي اللي عمرها 6 سنوات
هي البكر بس مدري ليه علاقتي فيها جافه وقاسيه وما اذكر متى اخر مره ضميتها وبوستها
هي بصراحه تستفزني وتعاند احيانا وبدت فيها حالة الكذب كثير واحيانا تأخذ شي مو لها وانا مجرد مااكشف هالشي اثور واوبخها بشده واحيانا كثيره اضربها
مدري ليه انا قاسيه معها مع اني في طفولتي انحرمت من الحنان سواء من امي او ابوي بسبب طلاقهم وانا البكر
وكثير كنت اقول لنفسي زمان اذا جاني اطفال راح اعطيهم كل العطف والحنان اللي انحرمت منه
بس مدري ليه انا كذا
ومجرد ماقريت موضوع الاخت مطر الصباح البارح طول الليل ماقدرت انام افكر ببنتي وقسوتي عليها وافكر بحياتي ليه كلها صراخ وتوتر
ليه مااعيش حياتي ببساطه مع زوجي وبناتي
قررت اني اغير مجرى حياتي واخلي بيتي جنه لزوجي واطفالي
وفعلا اليوم الصباح بديت
رحت لبنتي غرفتها صحيتها عشان تروح الروضه بهداوه مو مثل كل يوم بصراخ
شجعتها تفطر بأسلوب هادي مو بتهديد
لبستها وسرحت شعرها الناعم وخليتها تختار الشباصات اللي تبيها وقلت لها انتي حلوووووه كثير وفعلا تأملتها وهي بمريولها كتكوته صغيره نعومه وحلوه
وطول اليوم حاولت امسك نفسي مااصارخ ولا اضرب سواء معها او مع اختها
بالعكس طول اليوم كلامي معهم هادي ورايق
والحمد لله حسيت براحه كبيره وعدى اليوم من غير صراخ وهواش
ياااااااااه فرق بين اليوم وامس
والله الحياه ماتسوى نتوتر ونعصب ونضرب ونهاوش
ليه ما نعيشها بكل بساطه وبكل هداوه
ليه مااخلي بناتي يذكرون اذا كبرو حبي وحناني لهم

ليه مانجتمع كلنا ونحاول نعيد حساباتنا وتفكيرنا واسلوبنا بالحياه
خاصة اني من خلال قرأتي لموضوع مطر الصباح لقيت مجموعه كبيره يعانون من الفجوه اللي بينهم وبين اولادهم البكر

21 تعليق 2,098 مشاهدة

شاركي في النقاش

سجلي الدخول لإضافة تعليق.

التعليقات

20
  1. @de_lyon

    يارب يثبتك ويطول عمرك وتشوفيهم عرااااااايس في الكوشة

    ده الكلام لله الحمد استفقتي قبل فوات الاوان وهما صغيرات احسن من لما يكبروا يكونوا تمردوا

    وماتقدري تتواصلي معهم

    الف الف مبروك حبيبتي واستمري اذا انتي عززتي بناتك رح يصيروا عزيزات عند الكل واولهم ابوهم

    وباقي العيلة

    امي الله يطول عمرها كانت تعاملنا زي الاميرات وفعلا يوم الناس تبي توصفنا ما يقولوا غير الاميرات

    المدلعات ..............يارب طول عمر امي ولا تبكيني عينها يارب ااااااااااااامين
  2. @mn_alklob_1

    رائع منك صراحتك مع نفسك ومراجعتك لتعاملك مع بناتك والله احيي فيك هالروح الايجابيه والله يديمها عليك ويسعدكم يارب....
  3. والله كلامك يفرح وصدقتي الدنيا ماتسوا كل هالتشنج والعصبية
    والطفل نفسيته من نفسية اهله...اذا هم مبسوطين ومرتاحين...هو ينبسط ويرتاح
    حتى لو كان فيه مشاكل..المفروض مانخليها تنعكس على عيالنا...او على اسرتنا ككل

    والله يخليلك عيالك ويثبتك ويقر عينك بهم
  4. @aghl_osal

    كلما أردتَ أن تقسو على شخصٍ ما .. تذكّر بأنك قد تفقده يوماً ما


    أسأل الله أن يحفظ لك عائلتك و أبنائك و يسعدكم و يسعدنا يا كريم
  5. @dr_albhr_1

    tayooopa
    والله كلامك يفرح وصدقتي الدنيا ماتسوا كل هالتشنج والعصبية والطفل نفسيته من نفسية اهله...اذا هم مبسوطين ومرتاحين...هو ينبسط ويرتاح حتى لو كان فيه مشاكل..المفروض مانخليها تنعكس على عيالنا...او على اسرتنا ككل والله يخليلك عيالك ويثبتك ويقر ع…

تابعي تجارب أخرى من هذا القسم.