شاركي في النقاش

سجلي الدخول لإضافة تعليق.

التعليقات

340
  1. هلا ومرحبا فيك حبيبتي

    وحبيت اقولك تجربتي وكان وزني 120 وطولي 160

    الحين وزني 75الحمدلله والشكر

    واطمح يرجع وزني زي قبل زواجي 55


    اول شي انا ماراح اقولك لاتاكلين شي او سوي ريجيم


    انا بطلبك تاكلين زود


    اول شي استعيني بالله وادعي في كل سجود اللهم اني اسالك لي ولذريتي العلم النافع والعمل الصالح المتقبل والرزق الواسع وشفاءا من كل داء

    سوي تحليل عن فقر الدم وفيتامين د واستخدميهم حسب وصفة الدكتور

    روحي للسوبرماركت واشتري زبادي خالي الدسم وكليه في الفطور والغداء والعشاء وبعدها كلي اللي تبين واذا خلصتي خذي لك ملعقة زيت زيتون وياسلام لو كان مقري فيه يكون احسن واحسن


    جيبي موية زمزم ام عشره لتر ب15 ريال من اي تسجيلات اومكاتب العمره

    اول ماتقومين من النوم تشربين كاسين وقبل تنامين كاسين

    وبعد كل اذان رددي مع المؤذن وصلي على الرسول بدل ماتدعين واشربي كاسين موية زمزم وبعدها قومي صلي وبعد اذان الفجر اشربي كاس واحد من الكاسين مخلوط مع عسل وملعقة عسل قبل النوم

    بعد ماتصلين وتخلصين خذي لك ملعقه صغيره قسط بعد كل صلاة الا بعد صلاة الفجر تاكلين تمره عجوه 7 حبات

    خلي عندك حصاله كل ماتاكلين زود عن الوجبات الثلاث تدفعين ريال صدقه لوجه الله وتدعين ربي تحفين بالصحه والعافيه وبسهوله ويسر وتستغفرين عن كل وجبه زياده عشر مرات وتصلين على الرسول عشر مرات

    طبعا زياده عن الصدقه اليوميه واللي تخرجينها كل يوم جمعه بعد الصلاة


    اي وقت كنتي تدعين فيه استبدلي الدعاء بالصلاة على الرسول عليه الصلاة والسلام


    وتجيبين من العطاره مراميه وشاهي اخضر ويانسون وبابونج وزعتر وزنجبيل وشمر وكمون ووقت الدوره تزيدين حلبه وقرفه وتشربينها مع سكر طول اليوم



    وقت الدوره توقفين القسط وكل يوم تدهنين جسمك بزيت زيتون اصلي عشان الريحه تكون مقبوله وكل اسبوع تبخري او سوي حمام مغربي ومساج

    هذا نظامي كله والحمدلله نحفت وبدون اثار في جسمي وبطني انمسح

    والفال لك ولكل من تبي النحف وسوي هذا كله بدون ماتتكلمين اعتبريه روتين وخلي الكل يلاحظ عليك


    لي عتب عليك بسيط ليه وصفتي نفسك كذا ياحبيبتي كنت اسمن منك ولبسي الكل منهبل عليه والبس قمصان نوم وكل شي خاطري فيه

    اهتمي بشعرك وبملمس جسمك باظافرك وقت الدوره مناكير والوقت العادي حناء اهتمي بالبخور والعطورات وبالارواج

    انتي كذا مسببه لنفسك ازمه لا اللي نحفتي ولا اللي عشتي حياتك


    كنت نحيفه والكل يتمنى جسمي وبعد ماسمنت الكل تمنى يسمن ويتحطمون لابغو زي ثيابي ومالقو

    والحين رجعت انحف وصار لي جسم جديد وشكل ثاني


    كل شكل لك ومرحله بعمرك مميزه اعطيها حقها وتعايشي معها

    تذكري كل شي تحسينه جوا يبان عليك حبي نفسك ودلليها واحمدي ربي كل ماذكرتي جسمك اول وارحمي من وهو صغير جسمه سمين لين كبر ما عمره جرب النحف ابدا


    وشوفي صفاتك الحلوه وتمتعي بها مو تفكرين بسمنتك وبس


    اذا تبين شي ثاني ارسلي لي وانا اختك ترا كلي لك وباذن الله تبشريني بجسمك الجديد

تابعي تجارب أخرى من هذا القسم.