أهلا وسهلا بكم من جديد مثل ما وعدناكم وافياءبالوعدومع اضحك ومواقف حوائية اخرى
-----
بدا اول شئ بموقفي
هذا الله يسلمكم من فترة كان صبعى مورم
قلت لزوجي عنة يسال دكتور صديقة المهم ثاني يوم جاب لى مضاد حيوي
يقول انة ملتهب
يقولى اخذى 4 حبات هذا الكلام باليل وطبعا وقتها كنت
اقرقر على حوا
واستغربت 4 حبات مرة وحدة قالى اية
المهم اخذت 4 مع بعض واقولة انا خايفة يقولى من شنو اول
مرة تاخذين دواء قلت لا بس 4 مرة واحدة وااايد عمرها ما صارت
فال هاااااا بلعتيهم مرة وحدة قلتة اية مو
انت تقول جيذى قال يالمجرمة قصدى 4 فى اليوم
وانصدمت واطالع فية وقولة الحين بصير فينى شئ كلة منك ي النذل
بتـــــــــــذبحني:icon33:
جان اهو يقولى يلاه شنو عندج من فلوس ولة ذهب علمينى
وين مكانهم واقولة وصحتي مو هامتك :44:
وكل شوى اقعد من النوم خف اموت واقول الحمدلله بعدنى عايشة
بس اللى اذكرة انى قعدت مصدعة وجسمي يعورني
والحمدلله عدت على خير
-----
والحين اخليكم مع مواقف المشرفات
----
المشرفة السابقة وعضوة الشرف حاليا >>> ام زياد
تقول... قبل سنتين تقريبا المشرفة السابقة أم الغنادير زارت جدة قادمة من المدينة
الله يجزاها خير تبغاني أدلها على أقرب سوبرماركت أو بقالة جنب بيتنا عشان كانت جايبتلي نعناع وورد من المدينة ربي يسعدها كلها ذوق
أنا لزمت عليها انها تعدي وقلت لها والله أزعل اذا ما عديتي
المهم أبونا مو موجود في البيت وعنده شغل ضروري وقافل الجوال
وأنا أوصف لأم الغنادير بيتنا وهي توصف لزوجها المهم
من زين وصفي داخوا السبع دوخات على بال ما وصلوا بس في الأخير وصلوا
وشفتها وشافتني وشفت بناتها الغنادير
وجلسنا جلسة حلوة ما تتنسى الله يسعدها ويوفقها وين ما تكون .
-----
المشرفة >>> غرشوبة أبو ظبي
تقول...
الموقف الاول
عندنا من رياض الاول والمرحله الاولى يأخذون انجليزي
عاد ولدي يبي يسولف بالانجليزي فقبل اي كلمه بالعربي يحط ذا the
ذا ماي
ذا شمس
ذا بحر
بس الحين صار صف اووول ولا صار يعرف المفردات
الموقف الثاني
زوجي شغله بعيد عنا وسكان مع مجموعه شباب
عاد تعرفين أكلهم فلافل وفول وهالشغلات
مرة جهزت فطور سندويشات فلافل وناسيه ان اغلب اكله فلافل
المهم يوم جلس ع السفره يسأل: سندويشات شو؟؟
اقول له: فلافل
قال: من وين لج الفلافل؟؟!!
عاد اتذكر هذيك الساعه واقول له: من كثر ما تأكل فلافل صرت تبيض فلافل واخذت من حولك
جلس يضحك
----
المشرفة >>> سعادتي بصبري
تقول... بأكتب موقف ما بتصدقي مع مين مع الدلال لمن
رسلتي رسالة على الخاص
ما فهمت وش المطلوب مني وأقول يا الله الدلال وش تبي مني
عقلي مقفل وأعيد وأقرأ ومكتوب أرسلي لي على الخاص
وأرجع وأتنح بالنهاية أقتبست كتابتك وأرسلتها للمشرفات
وقالوا الدلال تبي منك كتابة موقف >>> خخخ حسيت انى اطرد قمة الفشيلة :icon33:
وهذا موقفي معاكِ يا الغالية.
موقف ثاني :
عضوة معروفة بكتابة مواضيع هادفة أسرية ومعها قصة
وعاد أنا جديدة وأشوف قصتها بالعامية مو بالفصحى
وأنقل موضوعها للقسم المحذوف لأنه إذا بالفصحى أنقله للأقسام
الأدبية ونزلت العضوة موضوع آخر تطالب بموضوعها ورجعت
رفعت موضوعها اليوم الثاني وشكرتني وما تدري أنه أنا السبب بالحذف.
----
المشرفة >>>shat AL baher
تعذيب وانا اكتب الاسم خخخخخخ:42:
تقول ... حوا اول شي بالنت عرفته شفت اختي تدخله وعجبني
وسجلت فيه المهم ان العائله كلها درت اني سجلت فابدأت
تنهل النصائح من اخوي لاتكلمين احد لاتعرفين على احد
والرسائل الخاصه مدري وش قال ماخلى شي خوفني
وانا اقول طيب واستمر الوضع مستتب يمكن اسبوع وفجأه
وانا اتصفح الا جاتني رسالة خاص عاد من الخوف شهقت
هههه زوجة اخوي جنبي تقول شفيك قلت رساله تخليو
الرساله نافذه صغيره زي ماهي مافتحتها وخايفه
<<كله من اخوي ههه قالت افتحيها طيب شوفي
وش فيها ترددت شوي وسميت بالله وفتحتها المهم انها
الرساله عاديه ناسيه وش فيها وقتها عرفت انه اخوي
بالغ شوي ولا انا خوافه وانفكت العقده بعدها ههههههههه
الموقف الثاني
هذا الله يسلمكم جلست مده وانا ما اعرف ارفع الصور بالمنتدى
المهم سالت وحده والله يجزاها خير عطتني رابط فيه الطريقه
المهم فتحته الا مكتوب اذهب الى مركز تحميل الصور طبعا
لاني انا ذكيه فتحت ابدأ واكتب بالبحث مركز تحميل الصور
مافيه شي احاول مره ثانيه برضو مافي طفشت وتركته بس
الموضوع للحين بالي بعرف المهم فتحت الموضوع مره ثاني
وهالمره جلست اقراه كله صاحبة الموضوع الله يجزاها الجنه
كانت حاطه روابط لمراكز التحميل وعرفت الخلل وانحلت
المشكله خخخ
----
المشرفة >>> زمن غربة
تقول ... ممكن مرات افتح الصفحة وانشغل
عن المنتدى وارجع للموضوع وافسر الرؤى وبعدها
اجد احد الاخوات المفسرات قد
فسرت الرؤيا هههههههه
----
المشرفة (؟؟)
تقول ...موقفي المبكي خخخ :
مرة من ذات المراري : )
دخلت على موضوع مثبت (وفي نفس الفترة كان موجود ع البنر )
المهم شفت كلمة فيها حرف ناقص
وقلت بعدله >>> لقااافة خخخ
المهم سويت تعديل ولما اعتمدت الموضوع كان المنتدى يعلق
واتفاجأ بالموضوع ( مافي ولا كلمة )
كل الكلام اتمسح
تمنيت الأرض وتبلعني وصار قلبي يدق بقوة
بعدين نقلت الموضوع للمؤقتة وراسلت لمساعدة أعتذر منها وأطلب
نسخة من الموضوع
وللأسف ماكان عندها أي نسخة
بس سوت بحث في قوقل وطلع لها موضوعها في أحد
المنتديات وراسلتني :
دورته بالنت ولقيت وحده مزيونة ناقلته منتدى ثاني فنسخته
منها ورجعته لنا
والحمد لله رجع الموضوع وبطلت أتلقف مرة ثانية >>>احلفي
من المواقف :
ولد أختي الصغير .. مرة أستاذ الحاسب فتح لهم النت
قام الفهيم فتح عالم حواء
,, ولما سألوا الأستاذ ليه فتحت هالموقع ؟؟قام يرد عليه بكل براءة : ( أشوف خالتي دايماً فاتحته )
قام ضحك الأستاذ >>>شكلو حتى زوجته مشتركة
----
المشرفة (؟؟)
تقول ... مره على بداية زواجي كنت خجوله مره مره ههههههههههه
كان زوجي معزوم وجاء بيطلع قلت ليتك تلبس ثوبك الي توك
مفصله جديد احلى من هذا قال بالعكس هذا معجبني قلت الا
والله لتغيره .... قال احلفي على غيري ..... ان قدرتي تخليني
اغيره الك الي تبين هههههههههه وبدون شعور وارسم بالروج على
ثوبه هههههههه انصدمت من نفسي اكثر من صدمته فيني هههههههههه
طبعا غير الثوب غصبن عنه ههههههه حرمه عاد يقال
اني كنت خجوله .......
موقف ثاني
مره كنت رايحه لبيت جيراننا المهم يوم دخلت فتح لي واحد
من مبزرتهم وراح وانا اساسا ادل المدخل ويوم مشيت
والا القى ع الدرج الداخلي جوال طايح وانا اقوم اااخذه
واحطه بشنطتي قلت باستهبل ع بنت جيراننا ويوم دخلت
والا اتفاجا ان جايهم ضيوف والمجلس مليان وانا انلخم
وانسى سالفة الجوال اللي بشنطتي وشوي مع السوالف
حسيت عندهم سالفه وشوي بنت جيراننا تجي تشيك ع الطاولات
اللي بالمجلس وانا لا زلت مفهيه وتقول بنت جيراننا تكلم اختها
دقي ع جوالي عشان اسمعه وهنا بدأت الذاكرة ترجع ولكن سبق
السيف العذل ودق جوالها وطلع صوته من شنطتي ههه وافشلتاه
ماعاد تنفع تبريراتي اووه كنت باسوي مقلب ونسيت......
أرجو عدم الرد
..
))..
وش قالت 
