قصة ولادتي في السعودي الالماني

السلام عليكم ورحمة الله وبركاته

الله يسهل ولادة كل مكروبه يارب ويسخر لها اللي يخاف الله فيها ويهون عليها كل عسير
كنت قبل ما اولد ادخل اقرأ قصص ولادات اخواتي هنا خصوصا يوم تأخرت ولادتي وصرت في
كرب ما يعلم به الا الله وافرح لكل والده وابارك لها من كل قلبي كني انا اللي ولدت
وطالت فترة انتظاري وزاد الكرب لكن سبحان الله ماكتب لي الولاده الا بعد عشره ايام من
الشهر العاشر :icon28: بغيت اكتب لكم قصة ولادتي من بدري بس كانت نفسيتي تعبانه
المهم ما اطولها عليكم يوم السبت في الفجر نزل عليه دم وبعدها بنص ساعه بدأ الطلق
صرت ارتجف من الخوف مع اني كنت انتظر هذي اللحظه بفارغ الصبر :09:
قومت بنتي وولدي للمدرسه ولبستهم ويوم راحو المدرسه حاولت انام والطلق كل ماله
يزيد ولاني خوافه طااار النوم ويوم جات الساعه عشره اختفى الطلق وخفت مررره
والدم مستمر بس مو كثير خفييف وزي الم الدوره ... قمت تروشت وفطرت انا وبنتي
الصغيره وقررت انتظر زوجي الين يجي من العمل في العصر واقوله يوديني المستشفى
ورجعت بنتي من المدرسه والولد مارجع وتأخر ساعه كامله واتصلت على عمي ( ابو زوجي )
لانه يرجع هو وعمه من المدرسه سوا وسأته عن ولدي قال ليه هو باقي ما رجع قلت لا
وراح عمي يدور عليه في المدرسه وما لقيه في المدرسه وكلم ابوه وخرج من العمل وراحوا
يدوروا عليه وفتشوا المدرسه وما لقيوه وانا بغيت انجن من الخوف :icon33:والبكى ضاااع الولد
وانا في وقت ولاده والله اني بغيت اخرج الشارع ادور عليه بنفسي وابوه يدور عليه ويبكي :icon33:
ويسأل الهنود اللي في المدرسه والشارع كلهم ماشافوه يقول حتى القمامه الله يكرمكم
رحت افتش فيها واصيح ودورت ورا السيارات وبعد ساعه من البحث
شاف سياره في الشارع جمب المدرسه يقول ابوه حسيت ان ولدي فيها ورحت مسرع
وفتحت الباب ولقيته فيها :icon28: واتصل عليه وعلمني وانا اصيح وابكي ماني مصدقه
والله لحظات عصيبه الله لا يوريكم مكروه وما صدقت ان ولدي رجع لي :icon33:باقي اول ابتدائي الله
الله يخليه لي هو واخواته :26:
نرجع للولاده طبعا بعد هذي الاحداث كلمت زوجي يوديني المستشفى ونزلت اولادي عند
زوجة عمي ويوم رحت المستشفى قبل المغرب قالوا مفتوح الرحم اربعه سانتي
وما صدقت فررررحت مره قلت الحمدلله ان شاءالله تتسهل عليه وسوت لي تحريض
ورجعلي الطلق الساعه سته ونص المغرب وخرجت من المستشفى عشان امشي
شويه وكن ارتجف من الجوع لاني على فطوري الساعه 11 الصبح وقلت لزوجي
يجيب لي عصير كوكتيل وشربته واكلت معاه ربع خبز مع شوية حمص ورجعت
المستشفى قالو اكلتي شي قلت ايوه قالت الممرضه ليه تاكلي ذحين ما نقدر نعطيك بنج
واستمر الطلق الين الساعه عشره وانا طول الوقت استغفر ويوم جات عشره ونص بدأ
الجد وقمت اصيح من الالم واعطوني مسكنات بس ما تفيد والالم يزيد الله يكتبلنا الاجر
شفت الموت يابنات وفتح الرحم عشره سانتي وتقول الدكتوره دفي وانا ما اقدر
وصرت ادف باقوى ما عندي وما فيه فايده واصيح عشان يعطوني بنج وما يرضون يقولوا اكلتي
ما نقدر نعطيك :icon33:ومالك حل الا تدفعي بسرعه عشان ترتاحي وقلت في نفسي لازم
ادفع والله يابنت اني ادفع باقوى ما عندي وما احسه يتحرك وريقي صار ناشف وفي الاخير
مسكت رجليني بيديني وصرت ادفع بكل طاقتي والممرضه تساعدني الين ربي فرجها
وطلع النونو ويوم سمعت صوته يبكي ما صدقت انه طلع والله بغيت اموت من الالم :icon33:
وحطوه على بطني شويه واخذوه يغسلوه وبدأ الخياط وجابولي كمام فيه بنج وخيطتني
وما حسيت بالخياط الحمدلله بعدين حطوني في غرفه انتظار لمدة ساعتين عشان يتأكدوا
اني بخير قبل ما يطلعوني غرفة التنويم لاني نزفت كثير والدم مو راضي يوقف وبعد ساعتين
طلعوني التنويم وولدي طلع عنده صفار شديد لان فصيلته تختلف عن فصيلتي وهو متنوم
الين اليوم في المستشفى انا خرجت ثاني يوم وهو صار له ثلاث ايام في المستشفى
وباقي ما طلع بس الحمدلله الي قومني بالسلامه وولدي والله يهون على كل حامل
اكتب لكم يابنات وعضلاتي تألمني مره الين اليوم مع ان لي ثلاث ايام من يوم ولدت
بس باقي عضلات يديني تألمني من قوة الدفع حتى الملعقه احسها مجهود كبير الين
ارفعا لفمي عشان آكل ... ياربي لك الحمد والشكر
وهذي قصة ولادتي وباقي انتظر ولدي يطلع من المستشفى بفارغ الصبر
وصلى الله على سيدنا محمد

46 تعليق 22,157 مشاهدة

شاركي في النقاش

سجلي الدخول لإضافة تعليق.

التعليقات

44
  1. الحمدلله ع سلامتك ياقلبي .. والله يفرحك بالنونو بصحه وعافيه

    اما ولدك يووووه الله يصلحه .. اش مجلسه بالسياره ؟؟

    والسعودي الالماني اللي بأي مدينه؟ ومين دكتورتك؟

    تسلمي...  
  2. @alaanod_1405

    الحمد الله على سلامتك اختي طهور ان شاء الله

    ربي يطلع ولدك بالسلااامه وتقر عيونكم بشوفته

    دعواتك لي
  3. @smytk_ghlay_10

    الحمدلله على سلامتك
    الله يخليلك البيبي وتفرحين بخروجه من المستشفى وهو بصحه وعافيه




    سبحان الله وبحمده

تابعي تجارب أخرى من هذا القسم.