هذي قصتي...................لللأسف! !!

خواتي العزيزات

صدقوني لو بغيت انسى ما أقدر لأنه كل يوم يمر علي موقف لو مفرح أو حزن أتمنى يكونوا فيه يمي
والله أبغي انسى وأعيش حياتي بس اللي راحوا عني هم اغلى الناس عندي

والله يا بنات انه صادفتنا مشاكل كثر عدد شعر راسي ومنهم انه وكلنا واحد يقربلنا ووثقنا فيه وسويناله وكاله لان كلنا بنات ما نعرف نتصرف وتصدقون انه سرق فلوسنا (حسبي الله عليه)

قولولي من يفرحلنا من يزعللنا ؛ اذا مرضنا محد يمنا

والله يوم ازعل مع ريلي ابغي احصل امي او ابوي ينصحوني.......في غرفة الولاده كنت اتمنى امي يمي ماسكه ايدي وتفرحلي ، ابغيهم يشوفون عيالي حتى اخو ما عدنا بيكونلنا سند
والله اني تعبانه انا وخواتي ..تعبنا من اليتم

امي دايما كانت تتمنى تشوفنا عرايس بس الله ما كتب انهم يفرحون فينا

اسفه اني طولت عليكم والكلام مش مرتب بس حبيت افضفض

الله يصبرج والله القصه قطعت قلبي

أختي مها ادعيلي لوالدينج بالخير وتصدقي عنهم واطلبيلهم الرحمة والمغفرة من ربج . وعيالج ديري بالج عليهم وأولهم زوجج حاولي إنج تكونين الكل فالكل في بيتج ولا تقصرين بحقهم لأن ما عندج حد غيرهم .. وخواتج خليج دوووم معاهم فالأفراح والأحزان .. وإن شاء الله حياتج بتتيسر ولا تضيقين بخلقج لأنج أم عيال ووراج مسؤوليات كثيرة ..
والله يسعدج ويفرج همج وينسيج همومج ويغفر لأمج وأبوج ( رحمة الله عليهم)

الله يرحمهم ويغفرلهم ويسكنهم فسيح جناتة وهذي الدنيا مافيها خير
ولا تدوم لا حد

الله يرحمهم ويغفرلهم ويسكنهم فسيح جناتة

ألحين اهم شيء انه ريلج معاج اوكي..................يعني شو حياتك معاه مرتاحة

وعساه داير باله عليج وعلى خواتج

اتمنى لج كل خير في كل الاوقات