شوفوا وش صار لنابالسوق

سبحان الله وبحمده

اخيراااا خلصت الموضوع ههههه

انا مواقفي ما تخلص لان اصلا لساني طويل ههههه وجريئه


اول موقف يا طويلات العمر كنت صغيره يمكن 12 سنه بالسوق مع صاحباتي و وحده من البنات جايبه لي ورده من بيتهم حطتيها في شعري

وقف لي واحد سمين حبتين يأشر علي ويقول لاصحابه جوفو جوفو روزاليندا حقدت عليه رحت له قلت له ممكن صوره استانس قال لي اي بس ليش قلت له في ناس سألوني عن شكل الديناصورات و قلت بوريهم صورتك


ههههههههه اصحابه ماتو ضحك عليه و صدفه طلع بيتهم قريب منا ههههه فوق ال 10 سنوات على هالموقف وللحين لما يجوفني بالشارع يعطيني نظره حقد مو طبيعيه ههههههههههه


الموقف الثاني كنا نمشي ثلاث بنات مع بعض و في شباب ورانا بالسوق

الا واحد منهم يقول بصوت عالي احلى وحده فيكم اللي لابسه اخضر ههه انا واثقه مو لابسه اخضر اللي معاي هبولات وقفو يجوفون ثيابهم ههههههههههههههههه

انا وقتها مت من الضحك القوووني الحين كل وحده متزوجه وعندها اعيال بس كل ما اذكرهم بالموضوع يموتون ضحك


ثالث موقف

كنت رايحه فلم عربي لأول مره انا ما احبهم لان ما افهم شنو يقولون يتكلمون بسرعه هههههه بس صديقاتي كانو مقتنعين ان الفلم حلو الفلم اسمه السفاره في العماره
كان في مقطع الممثل يستدرج البنات ل بيته ويستعطفهم لما يقول لهم اصل النهرضه عيدميلادي وانا ماليش اي حد

المهم طلعنا من الفلم متأخرين و كنا نمشي بسرعه الا في شباب ورانه واحد منهم يقول لي اصل النهرضه عيدميلادي وانا ماليش اي حد , صديقتي اللي وياي خايفه ميته خوف وانا اأشر لها بيدي اصبري شوي

وصلنا لمخرج المجمع التفت يميني جفت السيكورتي والف وره عليه بشنطتي واضربه ضرب بالشنطه هههه شنطتي ينضرب فيها المثل في الثقل ضربتها فيه لين الله جاف له والتمو السكورتيه عليه وانا مشيت ولما دخلت السياره قعدت اضحك خهههههههه تذكرت شكله منصدم بالشنطه في وجهه


لي مواقف كثيره راح اكتبها اول ما اتذكرها