عندنا وعندك خير
والله الواحد يحاول ما يفكر ويأخذ المواضيع بضحك صح يمر عليه أكتئاب كم يوم لما أسمع خبر خطوبه والله مو كره خير لأحد بس أحزن على نفسي
انا قبل أسبوع شفت وحده قريبه من سني بصراحه بنت ماشاء الله تبارك الرحمن حلوووووه والأبتسامه ما تفارق وجهها قلت لو هي متزوجه ربي يهني زوجها ولو بنت فين العرسان عنها قامت من المكان وجه موضوع عن الزواج وكذا إلا أمها تقول شوفوا بنتي إللى كانت هنا بالله أيش فيها عشان تتطلق لا ومن قريبها وجايبه منه 3 أطفال وأخذهم مدينه ثانيه وهيه تبكي ليل نهار عليهم تقول أمها أترجيتها عشان تجي تفك عن نفسها وكل شويه أقولها قومي بالله أرقص ولا أكلمها لأنها يا حرام تسرح تفكر في أطفالها
يؤؤؤ وقتها حمدت ربي ميه مره أني يادوب شايله هم نفسي الحمدلله ما ورايه أحد شايله همه اذا ربي كاتبلي أني ما تزوج احمده الف مره ولا إني أكون مطلقه وعندي أطفال شايله همهم أو زوجه مقهوره وصابره عشان أولادها
إلا بقولك أنا من ضمن يومياتي جالسه حراسه في البيت لو يوم فكرت أخرج مع أمي يكون في طوارئ في البيت مين يمسك حراسه بدالي والوالد يكون مره معصب ههههههههه
أما من المواقف أنا الوالد ما يحب الخرجات والدخلات ولا أنا والله بس جلست فتره أمي تقولي أنا ما بروح الأفراح إلا بيكي أبغاكي تخرجي تشوفي الناس المهم غصبت نفسي عشانها إلا أسمع الوالد يقولها بصوت عالي عشان يقهرني وأبطل أروح ( ما أنا حراسه طبعا ههههه ) أيوا تبغيها تروح عشان يتفرجوا عليها الناس هههههه أول كنت أزعل وأضارب وأحلف ما أروح بس بعدين قلت عادي ما فيها شئ خليهم يتفرجوا هههههههه
يوميات عانس سعيدهـ
متابعة النقاش، صفحة 4