تجمع للي يعانين من نقص فيتامين د

بناااات الله يعافيكم أنا فتامين د ٥ وتعبانه حيل وانا حامل بداية الحمل والدكتورة النساء قالت وقفي فتامين د وش الحل تكفون تعبت راسي وعظامي !!

الاميره الصغيره انا مثلك احس احيانا بعدم القدره عل المشي وخاصه اذا قمت من النوم عاشقه الحنان والله العظيم اني استخدمته وانا حامل بشهوري الاولى ولا قالت لي الدكتوره اتركيه والحمدالله بنوتي ماعليها الا العافيه

هلا اختي السعودية تاج راسي،،،،

أنا للحين مستمره ع العلاج لأني ما وصلت للنسبه الطبيعيه،،، وعلاجي كبسولات قوتها50000 وأخذها مره بالأسبوع ،،، واحنا بالإمارات ما ناخذ قطرات ،، بس كبسولات ولا ابر،،، ونسبتي اول ما بديت العلاج كانت 52 وقبل شهرين تقريبا حللت وكان 88 ولله الحمد ولسه ع العلاج حتى يرتفع الى 120 تقريبا،،، وعلى فكره أنا بعد حامل بالشهر السابع والأعراض منها اللي اختفت واللي خفت علي،،،، والحمدلله ع الصحه الآن والله كنت تعبانه اول شهور الحمل لأني وقفت العلاج مدة شهرين ونص!!!!

المهم انك حسيتي بالتحسن،،، والاهم من كذا الاستمرار ع العلاج ،،، ابد لا توقفين،،، الأعراض أكيد تيجي وتروح لين ما يرجع الفيتامين للمعدل الطبيعي،،، اعملي التحليل وشوفي ،،، وان شاء الله خير...

اعتقد من النقص لانه أعراضه كثيره،،،، والنقص أكيد يزيد في فترة الحمل لانه البيبي ياخذ منج كل احتياجاته ،،، ولازم تاخذين علاج ولا بتعانين من أعراض كثيره ما تتخيليها،،، أنا ما اخوفج بس انبهج عشان تلحقين عمرج اذا عدج مش حامل،،، واذا حملتي،،، الدكتوره بتطلب منج توقفين العلاج اول الشهور،،، وطبعا شي متعب مع الوحام!!!!