موقف صار لي اليوم واثر فيني مرة ..من بنتي الله لا يحرمها مني ومن ابوها..

السلام عليكم ورحمة الله وبركاته ..
كيف الحال والأحوال..
اليوم موضوعي غير ...يمكن قصير لكن معناه كبير ..
موقف صار فتح عيني لأفاق كبيرة ..
الموقف سلمكم الله كنت امشي في الكورنيش انا وزوجي نسوي رياضة..ومعانا بنتي عمرها سنة ونص يالظبط ..
وقلت خلينا ننزلها من العريية تمشي شوي وتحرك رجولها ..وطارت من الفرح تركض وتلحقني وشوي تلحق ورى ابوها ..
المهم زوجي قال انا بركض وانت امشي على مهلك ..قلت طيب وراح يركض مسافة بعدين رجع ومر من جنبي لكن انا كملت طريقي وهو كمل طريقة يعني كنا متعاكسين ومشينا مسافة..والتفت ابي اشوف بنتي وراي ولا لا..
الا اشوفها لحقت ورى ابوها شوي ووقفت والتفتت شافتني ابتعد رجعت ركضت وراي ..ووقفت شافت ابوها راح بعيد وصارت تلتفت يمين ويسار مو عارفة تروح مع مين بالاخير ايش سوت حبيبتي .. وهذا اللحضة هي اللي جمدت في ذاكرتي وهي اللي أثرت فيني ..:icon33:
جلست بمكانها وغطت وجهها بيدها وصارت تبكي وتقول ماما ..بابا..
اه ياقلبي تدرون بايش ذكرني ..
بعمي لما طلق مرته وجاو اهلها ياخذونها نفس الموقف ولدهم عمره سنتين كات ضايع بينهم يبي الاثنين واذا افترقو مات من الصياح ولا قدرت تطلع الا لما نام ..واسوأ شي انه يقوم يلاقي نفسة بغير حضن امه وابوه..
يابنات الاطفال ضحايا والله ضحايا ونحسبهم مايفهمو شوفو بنتي عمرها صغير لكنها حست وايش سوت جلست مكانها بلا حراك .. حسبي الله على كل من ساعد بتفكيك اسرة كاملة بسبب الحقد ..اقل مشكلة قالو له طلق الف من تتمناك ..اتحداهم يلاقو عشر ..حسبي الله بس..
انا امس قاعدة افرفر في منتدى كله رجال ودخلت مشاكلهم الاسرية ((ماصدقت ان عندهم مشاكل كنت احسب بس هنا )) والله اغلب الردود طلق ...او تزوج الثانية ..مدري كيف العقول هذه عايشة ..اجل يطلق ويشتت اطفال مالهم ذنب لهم حق يعيشو مع امهم وابوهم ...
او يتزوج ويبلش بنت الناس بسوء اخلاقة..لانه ماتزوج الا ليسنع مرته الاولى واذا تسنعت خلاص مايحتاج الثانية ..عالم غريب وتفكير اغرب ..
الله لا يفرق شملنا يارب .. ويرزق كل مطلقة الرجل الصالح اللي يعوضها خير ..
حبيباتي كلمة اخيرة اجعلو اخر حلولكم الطلاق ..الله يهدي الجميع ..
لاحد ياخذ الموضوع بحساسية ..والله ان قصدي الخير ..