الحقو الحل السحري للزوج الي خاتم بايد امه و تعلمو من قصة ديانا و تشارلز

بسم الله الرحمن الرحيم

و الصلاة و السلام على خير الانبياء و المرسلين

السلام عليكم بنات شلونكم

طبعا كثير من المتزوجات تعاني من ضعف شخصية زوجها قدام امه

حبيبتي الصراخ و المقارنات انا او امك و المعاير و السب مو حل و الطلاق مو حل

الحل بايدك ايه مو بايد امه

لاتقولين ان شاء الله تموت و افتك منها

يكفي هي بعد الله كانت السبب و خلتك زوجه و ام

المهم الموضوع مو شلون تتعاملين معاها

هو شلون تتعاملين معاه

خلاص العلم حلاها لنا هيا هييياااااا هيا هيا واحده طايره من الفرح


يقولون لكم العلم حدد شخصية الانسان سواء رجل ام امرأة الى 3 انواع

1/ شخصية الاب / الام : الي يعطي ولا ياخذ

2/ شخصية البالغ / البالغة : الي ياخذ و يعطي

3/ شخصية الطفل / الطفله :الي بحاجه لا مه دوم و ضعيف قبالها

نفس الشي للحريم

و اضربو مثال بقصة ديانا و تشارلز

تشارلز شخصيته طفل و ديانا شخصيتها بالغه عشان كذا ما اركبو

يعني ديانا ماصارت ام له فانحاش منها و دور على ام

منهي الام كاميليا الي لا تقارن بجمال ديانا فلقى الحنان الي يبيه بكاميليا وما لقاه عند ديانا

فيا بنات الحل بايدنا

لا تهقون هالشخصية بتتغير تقبلوه مثل ماهو و هو اهون من غيره

اصبر على زوج ضعيف قدام امه ولا اطيح بمدمن ولا مريض ولا راعي بلاوي

بعدين شخصيته ( الطفل ) فيها بعض الايجابيات اقدر اكل بعقله حلاوة و اخذ الي ابيه كثر ما اقدر كلها خلطة من الحنان و الدلع و الحب و يسهلها الله تعالى

صدقوني كلما تهاوشتي معاه بينحاش اكثر و يروح لامه و تحشك و تكرهه فيك

اجل حالات الطلاق الكثيره ناتجه من شنو من سالفه امك قالت و امك سوت

لاتحطون الرجل يموقع يختار بينك و بين امه صدقوني بيختارها و كل رجال غير عن الثاني

و الله رجال خربو بيوتهم و الضحية عيالهم و زوجات مطلقات

و السبب الزوجه ما اعرفت تتعامل مع شخصية الزوج الطفل

و الام عامليها بما يرضي الله تعالى

ترا فيه دورات لتقبل الاخر كما هو بعيوبه و الله مره تعلم يا ليت القى من يوصلني عشان استفيد منها

يارب الحل السحري يوفقنا الله له

يا الله عاد كل واحده شخصية زوجها كذا تفكر كيف تكون له ام

شوفو الام شتسوي و سووه

اذا صارت فيه حراره المسي جبهته و غطيه

و كليه احيانا

مسدي على راسه

اقري عليه و هو باول النوم
حطي حبة الدوا بفمه

يعني ابتكري حركات تحسسنه انك مو بس زوجته الا امه

و الله بيطير فيك

و الله يسخر كل الازواج لبعض و يصبرهم على بعض

و الامهات يهدون اللعب شوي و يسخرهم الله لنا

اللهم اني كتبت موضوعي لوجهك تعالى فبارك فيه

همسه:

عشان تعيشين بسلام حبي امه لوهي شرية و ماذيتك التمسي لها عذر

عديها مريضة نفسيا و صدقيني بترتاحين

يكفيها عذاب الغيره هي ربته سنين و كبرته و انتي جيتي اخذتيه جاهز

ترا احساس مو سهل و الله يديم المحبة بينا:)

25 تعليق 3,553 مشاهدة

شاركي في النقاش

سجلي الدخول لإضافة تعليق.

التعليقات

24
  1. @sweet_forever

    لااله الا الله محمد رسول الله
    اللهم صل وسلم على سيدنا محمد
    لاحول ولاقوة الا بالله العلي العظيم
    لااله الا انت سبحانك اني كنت من الظالمين
    دعواتك ربي يرضى عني ويجعل همي الاخره ويسترني بستره الذي لاينكشف ويجمعني بزوجي على خير عاجلا غير اجلا يارب

تابعي تجارب أخرى من هذا القسم.