حقولك حاجة هايفة قوى يا سمسمة انا جارتى بتشتكيلى انها كل ماتعمل الكيكة بتطلع حلوة وبتعلى منها ..اسئلها اية المشكلة تقولى لازم لازم وانا بقلبها تتكسر منى ..قلتلها يبقى انتى مش بتدهنيها وبتبطنيها كويس تقولى لا والله دة انا بدهنها كويس وابص الاقيها بتخبط عليا وجيبالى نص الكيكة بالعرض فى ايديها والنص التانى لازق فى الصينية (طبعا المفروض ان دى حاجة هايفة قوى انك تبوظى الكيكة علشانها) المهم قلتلها لما تيجى تدهنى الصينية بعد كدة اندهينى وفعلا يا سمسمة اقسم بالله لقيتها بتدهن الصينية زى مايكون عيل صغير ماسك فرشاة وعمال يلطش ونص اجزاء الصينية مجتش عليها الفرشاة بالسمنة ووريتها وانا بدهنها انى بقعد بتاع 5 دقايق بدهن فيها وابص كويس على كل جزء وفعلا عملتها وملزءتش منها ..يعنى كانت بتشتكى من حاجة عبيطة جدا بس مش قادرة تكتسفها لانها مقتنعه انها بتدهن الصينية كويس
علشان كدة بقولك حاولى بالراحة تكتشفى الغلط بس انا حوريهالك برضه من عنيا
{{ملف don }} المتجدد للآكلات المصرية للمبتدآت { 9 }
متابعة النقاش، صفحة 289