شاركي في النقاش

سجلي الدخول لإضافة تعليق.

التعليقات

7,588
  1. ولك مهى اي مهي اربد وعمان ملانات من هالاشياء وبيجنن جينز ومطرز وهندي ومندي ودشاديش وعبايات مغربيه وسدقيني لو تلفي حالك بشوال خيش ليفكروه من الامارات بتعرفي انا لو بلبس كيس زباله الا انسأل من وينلي الموضوع موضوع ذوق انتي لما تنزلي عمحلات المطرزات قيسي كلشي شغلات كثير شكلها مشكثير تمام وعلى اللبس بتيجي بتهبل وانا عروس اشتريت دشداشتين وانا اكره ماعلي لبس النسواوين بس لما بلبسهم والله الكل بسالني من وين همه طلع موديلهم واختفى وانا السنه البستهم من الحمل اواعي الحمل مش حلوه بتنصح بزياده وانا كلي شبر ونص بصير عاد اتدحدل بيهم فهاي الاشياء احلى شوي اما شو بلبس عند دار عمي ففي العام نزل زي الجلابيب جينز او فستان جينز مثل الافرهول وتحته قميص واصلا دار عمي جلساتهم غير مختلطه كوني بسافر بدون جوزي


    ايوا ام منى كيف قطوطاتك ان شالله تمام انت شو بتلبس بالمانيا يختي انا هون لما بلبس جلباب بفكروه جاكيت طويل قال من وين جبته بجنن محمد بقلي بجاملن اذا الوحده ما شلحت زق ما بترتاح اكثر اشي بعجبهم لونا بيجي تان من ربنا التان اللي هو برونز درجات الاورانج
    زهورهكيفك وكيف ساناو وعنوده هدول اخبارهم مطلوبه منك يا قطه

    فلسطين يختي تضليش تتشكوني ساعه بنسى ساعه المراره ساعه نحفانه ما باكل وساعه رقبتي بكره الزلمه بسدق وبقلك المره صارت سكراب انت اشكيلنا بس لاتجيبي سيره قدامه قوليله اقوى منك انا
    انت قوليله بدي اصير منكان والله فكره ليش ماتروحي تغيري قصة شعرك وتصبغي بلكي نفسيتك بتتغير
    بتعرفي انا لما كنت بالبلاد هيك انجنيت يوم ورحت قصيت شعري قلتلها بدي اشي حلو وفعلا اول مره من شي 10 سنين بقص قصه نايس كثير واللهغيرت من نفسيتي واخدت من عندها اشي اسمه سيليكون للشعر عشان السشوار انا شبه يومي بسشور بحمي الشعر مع انه زي الزيت بس ما بعطي مضهر زيتي بس لمعه زي الرطوبه وترى مش اصلي كثير ايطالي بوثقش بالايطالي اللي بالبلاد انا
    بس بدور هون على ماركه احسن

    نوني كيفك يا قلبي يا ام الاولاد ان شاء الله تجيبي توم ولاد قال بدها تشد شعرها قال اي والله لتكيفي تسلايه الصغار
    مين كمان نابلسيه الله يئيمك بالسلامك حبيبة البي نيالك عئبال عند البائيين انا مجهزه اغراض البيبي من الشهر التالت ئبل ما انزل عالاردن ورجعتهم معي عاميركا خخخخخخخخخخخ وطبعا كوني عندي بنوته صغيره النواقص مش كثير ومع هيك ما رح استفيد كثير من الملابس لان كل وحده جاي بفصل فرح يتعاكسو بالنسبه للشتوي والصيفي يعني بلشت للكبيره بالشتوي بس الببيبيه هاي رح تيجي عز الصيف فما رح استفيد من الجهاز ومن اكثر الاواعي لقدام
    تحياتي للجميع
    تفقد اميره وينها
    دندون بتدرس اكيد الله ينجحها
    ليان وينك يختي طلي علينا شاركينا انت وجنى
    شذى له يا شذى وينك خيه لسا عندك مشكله باللو سبيد
    وين سموره القموره
    ودموعه ام المسلسلات بدنا الحلقه الاخيره من مسلسل نهاية ازعر بالعباره(بتشديد الباء)
  2. @daaandooon

    شغله تانيه
    في معلومه شائعه انه ازا اكلنا سبانخ كتير او عدس منيح لانهم فيهم حديد كتير بس الخطا في هالمعلومه انه صحيح فيهم حديد بس جسمنا ما بمتص الا 3 في الميه من الحديد اللي في النباتات!!!!! يعني مستحيل ناخد كفايتنا اللي هي 18 ملغ من الحديد من مصدر نباتي
  3. @daaandooon

    طيب منيح يا امون
    انا يختي بطلعلي خط و بالبنط العريض كمان هههههه لاني ما باكل لحمه
    بس على فكره الخاتم لازم يكون من خواتم البلاد لاني جربت خواتم هون اللي عيار 14 ما زبط

تابعي تجارب أخرى من هذا القسم.