شاركي في النقاش

سجلي الدخول لإضافة تعليق.

التعليقات

147
  1. @aksan_algnh

    بشررررينا .. يحليلك ليتك تقريب لى عشان يصير عندي عذر اقرعها بيديني قال انتظرك ما كلت :)
    اقول تذكري دلعها اللى كنها تدلع على زوجها مو خالها استغفر الله وعطيها من حركات ام العبيد
    لو مكانك طردتها بالشلوت بس شكلك نعومه وطيوبه بزياده :)
  2. @dmaa_frh_20

    انا ظنيت انها اخته قلت الله يعينك ويصبرك وش تسويين
    لكن مادام انها بنت اخته والله ىسهله زوجك يشد حيله ويوصلها لين بيت اهلها ويقول لاخته كثر الله خيري يوم انها درست عندي وخلصت وهذي امانتكم خذوها تزعل على كيفها بعدين بترضى لكن تخرب بيتي وانا اطالع لا مايصير وماعليك انتي ماقصرتي ويقول لامه انها تتدخل في كل شي وانتي الله يرضى عليك لاتسيرين سلبيه خليه يوديها ويشد معها الله اكبر منتوا ملزومين فيها وين اهلها هذي
    وان شاء الله امه انها معك وبالعكس يمكن تخاصمهم انها ماتجي معكم
    اسفه على هذرتي لاني والله انقهرت
  3. @tolyn_64

    أقسم بالله ياأختي إني إنقهرت كثير
    وإرتفع ضغطي
    انا قرأت موضوعك الفجر وكنت أبي أرد بس للأسف ماهو مسموح إلا بـ 3 مشاركات باليوم
    وماقدرت أرد
    وهذا اليوم مانمت زين بس أفكر فيك
    :
    :
    شوفي أختي .. إنتي عندك ورقتين رابحات مدري ليه ماإستغليتيهم لصالحك
    الورقتين هم ( زوجك + أم زوجك )
    :
    :
    شوفي أنا راح أقولك على خطه ترتاحين منها
    إنتي وزوجك إتفقوا بيوم إنكم تروحوا ديرة أم زوجك ( يعني ديرتكم اللي فيها أخت زوجك وأمه )
    وخلي زوجك يخبرك قدامها وسوي حالك ماتدرين أبد ومتفاجئه
    وخلي زوجك يقولك قدام بنت أخته إنه يبي يغير جو مدة إسبوع مثلاً عند أهله
    أكيد بنت أخته تروح معكم ..
    عاد إذا وصلتم .. البنت تروح عند أمها وإنتي عند أم زوجك
    على الفجر أو ثاني يوم الفجر روحوا للرياض إنتي وزوجك ولا تاخذوا بنت أخته معكم
    ولا تعلموا أحد ابداً إنكم رجعتوا للرياض ولا حتى أم زوجك ..
    خليها فجأه والكل نايم على الفجر تسافروا للرياض
    وإذا أحد شافكم طالعين قولوا رايحين موعد مثلاً أو صرفيهم بأي شي
    إذا عرفوا إنكم رجعتوا للرياض و إتصلوا عليكم أم زوجك ولا أخته ولا بنت أخته
    قولي لهم ( والله زوجي فاجأني وأنا نايمه قال العمل يقول لازم ترجع نبيك بسرعه وصحاني من النوم ومشينا )
    ولو عاتبوكم أخته ولا بنت أخته قولي لهم ( والله البنت عند ابوها ولاأخبر إننا ملزومين فيها )
    والأفضل زوجك هو اللي يرد عليهم ..
    :
    :
    صدقيني ياأختي ترتاحين منها .. ولو حاولت ترجع لكم للرياض خلي زوجك يقول لهم إنكم بتسافروا
    وإن بيت أبوها يتكفل فيها وإنكم أديتوا اللي عليكم وأكثر ..
    ولو أبوها مايقدر يعيشها ماأنتم ملزومين بكسوتها وعيشتها
    :
    :
    وياريت ياريت ياريت تخبرينا شو يصير معك أول بأول
    لأني أحرص على متابعة أخبارك
  4. @rymas_aldlaa

    الله يعينك بس لاتزعلين انتي جدا سلبية في موضوع جدا حرج اشلون ماتفكرين تحطينها عند حدها بالوقت اللي هي مستمتعه انتي تضعين علي نفسك احلي سنوات العمر والسنوات الاولي من الزواج حتي ذكري حلوه مافي غير المرارة من وجع وألم زوجة ابوكي لالم هالبنت المجاملة بالموضوع هذا بالذات ماينفع لانك بتلقين شخصيتك وبيكون لها الكلمة الاولي والاخيرة لازم تحطين لها خطوط حمرا عمرها لاتفكر اتخطاها وعامليها برسمية وانها ضيفة وبيجي يوم وتروح لامها وخليها تفهم بالافعال موبالكلام ولاتعطينها المجال انها تتدخل بحياتك حتي لو كانت وقحة خذي هالحكمة وامشي عليها ( طنش تعش تنتعش) تصميم قروب المقهورات الله يبعد عنك القهر ومن حقك تعيشين ذكري حلوه مع زوجك اسعي والله وياك

    سؤال خارج الموضوع انتي ماعندك عيال
  5. @sweet_forever

    اكثري من الاستغفار والصدقة والصلاة على الرسول ربي يفرج همك



    لااله الا الله محمد رسول الله
    لاحول ولاقوة الا بالله العلي العظيم
    سبحان الله وبحمد
    لااله الا انت سبحانك اني كنت من الظالمين
    استغفرالله الذي لااله الا هو الحي القيوم واتوب اليه
    دعواتكم ربي يرضى عني ويجعل همي الاخره ويسترني بستره الذي لاينكشف ويجمعني بزوجي على خير عاجلا غير اجلا يارب

تابعي تجارب أخرى من هذا القسم.