تجمع كروشات دولة قطر ( استفسارتكم : عن الحمل والدكاتره وتجهيزكم للاولادة والاستقبال )

الله يرزق كل محرومة والله يعوض كل وحدة بالجنين السليم والله يهون على كل كروشه..
د. مطر ممتاز صراحه وكذلك د٠جهاد واليادات الخاصه ارتاح ل د. هيا الكواري ود. سميرة الطائي
د. بدرالدين ماحبه ماحبه ماحبه..وفاشل ولا يدري وين الله قاطه.. وانا حامل بولدي من الخامس اراجع عنده كان عند ولدي تكيس بالكليه وتخيلوا كل اسبوعين تلفزيون وسحب عينة من السائل الامنيوسي. ويقول الجنين طبيعي وبعد شهرين من الولادة انتكست حالة ولدي ودخل العناية وتوفى على طول والسبب عدم وجود طحال،، معقولة مابين عنده بالالتراسلوند والعناية مالت المواليد قعد عندهم ولدي اسبوع وكل يوم سونار للكلية وماشافوا الطحال مفقود،،الحمدلله على كل حال لكن لو اكتشفوا كان المفروض له تطعيمات معينه وعنايه خاصه،،
الله يعوضني ان شاءالله قولوا امين

امل ورجاء:
ان شاء الله تنظمين للحوامل الشهر الجاي والله يرزقك الحمل السليم التام بإذن واحد أحد
جميل المحيا:
الله يعوض عليج بهذا الحمل عن ولدج الله يرحمه ولله الحمد الوحده تكسب لها شفيع يشفع لها في يوم يكون فيه الانسان محتاج لأي عمل او حسنه
وبالنسبه للأطباء كل وحده ترتاح لشخص معين ممكن هي تشوفه ممتاز والآخرين يذمونه الوحده تتابع عند طبيب ترتاح له

الصبوره :
بالنسبه للقيصريه الله يبعدها عنج وتولدين طبيعي هالمره بإذت الله وانا اذا جا طاري القيصريه احس قلبي بيوقف لين تذكرتها
اما بالنسبه للغرف والتأمين بالنسبه لي انا عندي تأمين عن طريق ال ( QP ) قطر للبترول لان زوجي موظف هناك والتأمين غطى مستشفى حمد ومادري انتي التأمين تبع اي شركه بس اعتقد يغطي حمد انتي اسألي احسن وحتى لو مايغطي أجار الغرفه مش وايد غالي ( ٨٠٠ للغرفه العاديه وكأنه ١٦٠٠ او اقل للجناح )