تصرفات غريبة من انسانة جديدة في حياتنا

وليش تناطح الجدران ماتبي احد يتدخل بامورها وليش كل شوي تروحون لها فوق يعني خلاص ساكنة فوقكم يعني لازم تنزل عندكم يمكن مابعد تعودت عليكم حرام تظلمينها

فيه اشياء قلتيها والله ماعجبتني
مثل تفتحين الثلاجه وتشربين ماي يعني معليش مهما كان لاتصيرين حشريه كذا
وبعدين بكيفها تبي تنزل تنزل ماتبي بسلامتها
دامها كافه خيرها وشرها بكيفها متى ما بغيتي اخوك دقي عليه يجيكم وهي متى مابغت تسير بتسير عليكم
اللحين لو تصير نذله ونجسه بتجين تكتبين مرت اخوي نذله وش اسوي فيها معاد ابيها تجينا
تحبين اخوك انتي صح لا تدورين المشاكل ولا تكرهين مرت اخوك فيكم
وبيوم من الايام بتعرفكم زين
لاتوقفين في بلعومها الله يسلمك
ولا تدققين علشان ما تتعبين
ولا تتدخلين بخصوصصيات هي كذا طبعها ماتحب الزيارات بكيفها
لا تفكرين فيها اهم ماعليك اخوووك

انا مرت خالي جلست تقريبا سبع شهور علبال ما عرفناها وفهمناها وعرفنا وش تبي وش تكره وعرفنا نفسيتها



حريمات الي تبي ترتاح لا تدقق علي الغير
وخصوصا خوات الزوج خلاص كافي تدقيق في مرت اخوك
ما جت من بيت اهلها علشان ترضيك اهم شي ترضي زوجها
وتصير عاجبه زوجها وتكون كافه خيرها وشرها عنكم



لا تزعلين يا صاحبه الموضوع من كلامي انا انصحك من باب انك مثل اختي

طيب معليش فيه اشياء كثيرة غلط عليكم بعد

تبين تسالين اخوك وتكلمينه مالي داعي تروحين فوق خليه ينزل وكلمية
بتروحون لها ماتطبون دقوا وكلموا شوفوا فاضية ولا لا
سالفه تدخلين مطبخها تشربين موية معليييييييييييييييييييييييييييييييييييييييييييييييييييييييش ليه مافيه مطبخ تحت بأي حق تدخلين الشقه بدون اذنها مالك اي حق والغلط عليك
وسؤالك لاخوك بطريقتك وبأسلوبك ايضا يزعل وفعلا صادق اخوك وش تبين فيها ومالك دخل وش تسوي فوق وبشقتها هي حرة

اخوك خلاص شايل امك و مرضي مالكم شغل بعلاقته مع زوجته ومايرضى عليها ونعم الرجل لانها زوجته ومرضيته واللي بينهم ماحد له شغل فيه

غلطها بعدم نزولها تسير على امك وابوك وتسلم عليكم فقط , العزايم كيفها تروح ماتروح يرجع لها وفي الاخير الوناسة والمضرة لها

+1

بصراحه ماله داعي تروحون لخوك بالاسبوع مرتين توهم عرسان وبعدين اذا تبونه نادوه تحت مررررررره كثير بالاسبوع مرتين تروحون وجه نظر لااكثر