اليوم سافروا حبايب امهم..الله يكتب لي شوفتهم قريب

السلام عليكم ورحمة الله بركاته
مساء الخيرات
مالي خلق للمقدمات بس حبيت تشاركوني شوي..
اليوم حبايب امهم(ولدي وبنتي ) طلعوا من عندي رايحين بيت أمي اللي يبعد عني 400 كيلو والله بعدهم عن عيني صعب
البيت فااااضي ومظلم والالعاب محد يحركها ومافي صوت هدوء>>>جالسه تبكي
زوجي بس يقلد لي حركاتهم عشان ازيد في البكاء وهو يضحك
ما كنت ابغاهم يروحون بس يمكن أحسن لهم انا بسبب الحمل والوحم مو قادره اتحرك بس نايمه ومافي أكل ونفسيتي زفت ومو قارده أقوم فيهم و أبوهم والبيت...البيت يتأجل وأبوهم يقدر يمشي حاله بس حبايبي من يغير لهم ويأكلهم ويهتم فيهم وأنا نايمه.
بتقولون ليش ما رحتي معاهم؟؟زوجي مو راضي أبعد عنده أختبار ومحتاجني جنبه ما يحب إني اسافر وأتركه
الله يحفظهم لي والله بس أبكي لا شفت غرض لهم مو قارده
اصبر على بعدهم أسبوعين حاسه إني بأتجنن

ع الأقل أنا الحمد لله عيالي طيبين وأمي وأخواتي حاطينهم بعيونهم وبشوفهم بإذن الله بس تذكرت وحده عندنا حصلت لها فأجعه من شهر تقريبا
حرقت غرفة عيالها تقريبا بسبب المكيف وماتوا أطفالها..في لحظه يروحون الأثنين سوا الله يصبرها
والله أختي كانت بالطواري لما جابها السعاف تسمعها تصرخ عيالي ولما جأت أمها تقولها يأمي راوحوا العيال...
الله يصبرها يارب يعوضها ويجمعها بهم في الجنه
ويخلي لنا عيالنا وما يفجعنا فيهم ويصلحهم...قلوا أمين

36 تعليق 3,847 مشاهدة

شاركي في النقاش

سجلي الدخول لإضافة تعليق.

التعليقات

36
  1. @ghrtkm_aldnya

    حرام عليتس بكيتيني الله يهديتس
    عسى الله يحفظهم لتس ويقر عينتس بشوفتهم وتحظنينهم
    الله يربط على قلوب الامهات يارب ويرحم ضعفهن
  2. @od_alodad

    ان شاء الله عيالك بخير لاتوسوسين وتفكرين كثير
    كلها فتره ويرجعون لك .. غير كذا كنتي جبتي شغاله تخدمك انتي وعيالك وريحتي نفسك
    الله يوسع صدرك

تابعي تجارب أخرى من هذا القسم.