قهوتي تجيب العافيه




سلام لاحلى حوائيات



كيفكم اخباركم
علومكم


:32:

المهم فيه بنات مايعرفون يصلحون القهوه
وفيه حريم مايضبطونها

انا بقولكم اسهل طريقه


اولا اشتري قهوه مخلوطه
خذيها من عطاره بن منقاش

او خذيها من حلويات الحمود الي باسواق طيبه
وخذي من عندهم زعفران ابوشيبه ممتاز

وخذي من عند عطاره الموسى
خلطة الكيف حقة القهوه
او خلطة القصيم بس افضل حقت الموسى

وخذي هيل درجه اولي حب مو مطحون
واطحني كميه قليله حقة يومين او ثلاث





طبعا في ابريق القهوه حطي مويه
وخليها لين تغلي
طبعا مقدار المويه اكثر من الترمس الي بتصلحين فيه القهوه


حطي فنجال قهوه قهوه
وخليها تغلي علي نار هاديه لمدة ربع ساعه

وبعدين حطي ملعقه صغيره من الخلطه
وطفي النار وحطي بالترمس هيل تقريبا ملعقتين
صغار او ثلاث على حسب حجم الترمس
ورشة زعفران وبطرف الملعقه عويدي مطحون
الي هو المسمار

وزلي القهوه بالترمس
وتلذذي بالقهوه



10 تعليق 3,280 مشاهدة

شاركي في النقاش

سجلي الدخول لإضافة تعليق.

التعليقات

10
  1. @trany_maasbh

    طق طق طق افتحي الباب ياسهرانه جايه اتقهوى عندك 00
    الله يعطيك الف عافيه ماقصرتي حبيبتي ربي يسعدك تقريبا نفس طريقتي

تابعي تجارب أخرى من هذا القسم.