شاركي في النقاش

سجلي الدخول لإضافة تعليق.

التعليقات

792
  1. صاحبة الموضوع
    ام شواخي

    مشكوره يالغلا

    حنين
    :)

    تسلمين و الله
    و انتبهي على ولدج
    حوالي بطريقه حلوه تسحبين منه الكلام
    و ان شاء الله ما فيه الا العافيه


    و بانتظار قصه الولاده

    بقولكم قصتي

    انا طبعا كانوا متوقعين لي قيصريه
    و قالوا ممكن نجرب الطبيعيه بالبدايه و اذا ما قدرتي نسوي قيصريه

    بأخر الشهور ظهري كان يألمني الم فضيع و ما كنت اقدر اتحرك
    كنت بالكرسي المتحرك من زود الالم

    طبعا بأخر موعد لي بالمستشفى و الي المفروض يحدون لي فيه موعد العمليه ما رحت و قلت خلاص ابي اولد طبيعي
    و رحت مستشفى خاص و تابعت معاهم لين وصلت 39 اسبوع
    وقتها كنت تعبانه واااااااااايد
    و ما تحملت الالم
    كنت ما اقدر انام ولا اتحرك
    حتى التنفس يألم ظهري
    علشان احرك ريلي لازم حد يساعدني
    كان يوم جمعه بالليل
    كان بطني يألمني
    سوولي قرفه و شربتها قلت يمكن طلق علشان يزيد
    بس بصراحه ما تحملت
    ظهري كان المه فضييييييييييييع
    و ياتني حاله هستيريه
    خخخخخخ
    قمت اقول لأهلي انا شو الي خلاني احمل
    و انا اصلا اقص عليكم
    و انا مو حامل ولا شي
    و من الهبال و ما اعرف كيف سويتها مع اني ما كنت قادره اتحرك
    قمت اناقز و اقولهم شوفوني
    انا اقص عليكم و مو حامل ولا فيني شي
    خخخخخخخخ


    االمهم ما قدرت اتحمل الم ظهري
    تصلت بالدكتوره على الموبايل و كانت الساعه تقريبا 10 بالليل
    و قلت لها دكتوره مو متحمله الم ظهري
    خلاص ابي قيصريه

    قالت لي اوكي
    طبعا هي عارفه حالتي و انه كانوا قايلين لي قيصريه بالاساس
    رحت المستشفى و الدكتوره كلمتهم يسوون لي تخطيط على ما توصل
    طلع عندي طلق خفيف
    و نبض البيبي ضعيف
    و الرحم مفتوح نص سانتي

    قالت لي خلاص تتنومين الحين تحت المراقبه
    و بكره الصبح العمليه ان شاء الله

    من الخوف بالغصب قدرت انام

    خخخخخ
    زوجي بات معاي بالغرفه لاني كنت خايفه

    صار الصبح و بدت التجهيزات
    و اختي قاعده تصورني فيديو
    خخخخخ

    ووصلت اللحظه الحاسمه
    لبسوني لبس العمليات و انا من لبسته بدا الخوف الصج و بدت عيني تدمع
    حطوني على السرير و بدا الصياح
    وايد كنت خايفه
    و كنت ابي زوجي يدخل معاي بس ما يصير

    المهم
    انا دخلت
    و دكتوره البنج قعدت تسولف معاي و تضحكني و نسيت السالفه
    و ضربتي الابره و رحت في خبر كان

    صحوني بعد العمليه و يقولون لي مبروك baby boy
    و انا مدوخه ولا ادري عنهم
    بس سالتهم هو اوكي
    ما فيه شي؟؟
    و طمننوني

    بعدها امي و ابوي و زوجي و امه دخلو علي
    طبعا انا حزتها للحين مخدره
    اسمع بس ما اشوف
    و اخربط بالكلام
    الله اعلم شخبصت عليهم
    خخخخخ

    بعدها ودوني العنايه المركزه و ك ما اصحى شوي اقولهم ابي اشوف البيبيو هم يقولون بعدين ( خخخ ما كت قادره افتح عيوني من البنج بس كنت ابي اشوفه كيف ما ادري)

    طفرتهم من كثر ما اطلب منهم
    اخر شي يابوه و حطوه يمي
    فديتهه حمودي فتحت عيني
    و كان هوو فاتح عينه و يطالعني
    من الفرحه ما عرفت شسوي
    لا بسته ولا مسكته ( عاد انا خوفي امسك اليهال الي توهم )

    و بعد ما ودوني الغرفه ثاني يوم
    اختي راوتني شريط الفيديو

    خخخخ
    في الفتره الي كنت بالعمليات
    زوجي واقف عند باب غرفه العمليات
    و رايح راجع لين ما طلعوني انا و محمد
    و كان شكله خايف و يحاتي مسكين
    كسر خاطري


    الله يعين شبيسوي هالمره
    اخاف يطنشني

    ادعي ربي انه يكون موجود وقت الولاده مو بالدوام
    و هو وعدني يدخل معاي غرفه الو لاده هالمره ان شاء الله
    من جد ما اتخيل نفسي اولد بدونه
    الله يخليه لي يا رب


    و خلصت القصه


    انا من جد مقهوره من ردي ا لي راح
    كنت راده عليكم كلكم

    و مالي بارض ارد اكتبه مره ثانيه
  2. @raaay_mbda

    قوارير
    الصراحه قصتك تحزن لان الام الديسك قويه جدا ومع الحمل والولاده >>اجرك كبير ان شاء الله
    قلتلك العلاج بالماء في المستشفى يعملوه يغطسونك ومادري كيف اختي سوته
    والوزن كل مايقل كل مايخف الالم حتى لو انتي رشيقه جربي انك تنحفين راح تخف الالام مثل اختي
    واخر حل هو عمليه للديسك وبالسلامه ان شاء الله
  3. صاحبة الموضوع
    قصدك علاج للديسك؟؟
    ولا الولاده تحت الماء؟؟

    بالنسبه للوزن انا كنت قاعده انزل وزني و اسوي رجيم و رياضه من قبل الحمل
    و الحمدالله لحد الحين ما زاد وزني بالعكس في نزول
    بس اتوقع هالشهر بيزيد وزني

    بس ناويه للوزن نيه بعد الولاده ان شا الله
    ودي اصير رشيقه و تخف هالالام
  4. @bnt_tyb

    راعية مبدأ
    قوارير كيفك؟؟ان شاء الله الصداع خف...........ماشاء الله الله يحفظ لك حمودي ويخليه لكي وان شاء الله تجيبين البنت بحلاته وبصحه حنين شاخبارك؟؟انا حاسه فيك بالنسبه لنادر انا ولدي الصغير يخبي علي اذا كان مريض يخاف من الطبيب على العموم تناقشي م…
    السلام لكل الحبايب رفيقات الدرب

    معليش لأن دخولي قليل ولكني متابعه اخباركم على طول

    الحبيبه راعية مبدأ
    بصراحة موضوعك اثار في نفسي شجون وما قدرت اقاوم الرد ...حبيبتى قصتك قريبة من قصتي ..انا اموت في شئ اسمه بنت من قبل ما أتزوج ولما تزوجت الحمد لله رزقني الله بزوج طالب علم ويحب البنات ولما كنت اقوله اتمنى اول خلفتي بنات كان يشجعني والحمد لله حملت على طول وكنت امني نفسي ببنت لكن تعرفين المجتمع وتفضيله للولد لما سمعوا كلامي قاموا عليا المقربين وقالوا لي وش هذا الكلام وانتي مجنونه تدعين ببنت ولما قلت لهم ان الرسول صلى الله عليه وسلم جعل الأجر في تربية البنت وان تربية البنت عبادة مثلها مثل باقي العبادات ..قاموا يبررون ويقولون لا تسيرين متشدده وفكري بعقل وبالواقع ...على العموم وقتها انقهرت وضايقني كلامهم وقلت لو كان ولد ما أبغاه وزعلت ..عاد ما مر إلا أسبوع وجاني نزيف وجلست ثلاث أيام وأجهضت الحمل وتعبت نفسياً بالمرة وحسيت ان هذه عقاب من الله ..بعد هذا استغفرت ربي وحملت وعانيت في الحمل الأول معاناة عظيمه ورزقني الله بعد ذلك بولدين اسأل الله لهما الصلاح ومازال الحنين للبنت يقرع قلبي ودائماً انا وزوجي ندعوا بالبنت وعندما حملت هذه المرة توكلت على الله وجاني كلام ضايقني حتى ان ام زوجي - حفظها الله – تقول مادام انكم تحبون البنت قد كذا ماراح تشوفونها إلا بالحلم وبصراحه اول شئ زعلت بس توكلت على الله وكنت اقول لزوجي عندي إحساس إنها هالمرة بنت لأن رزقها واسع وهو جالو ترقية بعدها بفترة رحت للطبيبة وسوت الأشعة وقالت لي بنت ماتتخيلين وش قد فرحت وشكرت ربي واتمنى يتم عليا فضله ...وان لا يحرمك فضله كذلك وأتاكدي ان الدعاء بإذن الله مجاب ولكن الله يحب ان يسمع صوتك ولن يردك خائبه ولكن له حكمة في التاخير وقد يكون السونار مخطئ فانا لا اعتقد به مطلقاً فقد يصيب وقد يخطئ .
    معذرة اطلت بالكلام ولكن شئ في النفس فاراد ان يخرج .

تابعي تجارب أخرى من هذا القسم.