السلام عليكم و رحمة الله وبركاته
ام الاشبال طول عمرك اكثر من رائعة يارب يديكى و يرزقك من حيث لا تحتسبى وكفاية مجهودك الجبار فى الملف بس انا فرحانة بيكى حاسة ان الغزالة رايقة عايزين المود ده على طول علشان نشوف الابداع ده دايما و الف مبروك افتتاح الملف ويارب اللوك الجديد ده يبقى فال حلو ليكى
مبروك ازيك يا حبيبتى عاملة ايه تصدقى ان انا كنت بفكر فى الفطار فى الحمية يكون ايه علشان المشكلة ان الجبن بانواعه غير مستحب لاحتوائه على الكالسيوم فكان عندى المشكلة دى فى الدوام هافطر ايه ؟ ميرسى يا مبروك ومستنينك بالجديد عايزين التقيل كله اللى مستخبى ويارب يكرمك بتوام اولاد ذكور صالحين ومصلحين
ام سعد ميرسى ليكى يا حبيبتى و على فكرة انا بحبك فى الله قوى فى حملى الاخير اللى سقط حلمت بيكى بتهنينى فى الملف وتقوليلى مبروك الولد فيارب الحلم يتحقق قريب ويبقى متبادل يعنى باذن الله اهنيكى قريب بتوام اولاد ذكور صالحين ومصلحين
احساس هادى ميرسى على ذوقك و لطفك ولك بالمثل واكتر ان شاء الله
اختى فوشيا بموت فى لونك وبناتى بيحبوا اللون ده قوى وانا معاكى ياستى بقلبى و روحى وعقلى انتى تامرينى امر
بصى جوزك اذا كان سليم يعنى عمره ما اشتكى من مشاكل فى السائل حرقان او من دوالى الخصية وحضرتك حملتى قبل كدة يبقى هنتعامل معاه انه طبيعى وسليم وكل اللى هنعمله هنخليه ياخد الفيتامينات كوقاية بس علشان نزود شوية المقاومة بتاعة الحيوانات المنوية الذكرية و انتى وطريقتك انك تاثرى عليه علشان ياخدها بس بصراحة انا افضل انه ما يعرفش انها لغرض الحمل وبولد كمان لان كدة ضغط نفسى عليه خليها كانه هيستعملها علشان صحته بشكل عام اهم الفيتامينات الزنك علشان بيدخل فى تركيب السائل و معاه اوتوماتك كدة فيتامين سى علشان امتصاص الزنك وكمان علشان اللزوجة والبيسلفون مذيب البلغم علشان اللزوجة الافضل الاقراص 8 مل و كمان فيتامين اى 1000 ده مضاد اكسدة والسيلينيوم و الفوليك اسيد و اقل مدة ياخدهم اسبوعين متواصلين
حفنة ضوء اللصقة فايدتها تسحب الرطوبة من الرحم علشان كدة هى مهمة قبل التبويض بيوم واذا حبيتى يوم الطهر من الدورة وخلى جوزك كمان يحطها قبل يوم التبويض بيوم علشان تسحب الرطوبة منه ومش تاثر على الحيوان المنوى
البردقوش ده يا ستى فايدته انه بيظبط هرمونات الجسم بس خدى بالك فيه ناس بيجيب معاهم نتيجة عكسية يعنى ده مش ثابت مع الكل
و اشربى نعناع بالهنا والشفا نعناع بس شاى بنعناع براحتك على الاخر والسكر عادى مش تحطى فى دماغك الحمية جامد انتى مش مطلوب منك غير انك تبعدى عن ريحة الكالسيوم فى اى اكل وخلاص
حبوب البوتاسيوم عاوزة تستعمليها براحتك مش عاوزة كلى 5 موزات يوميا كدة انتى اخدتى حبة بوتاسيوم و زى ما قلتلك القصة مش قصة حمية الليلة كلها فى الكالسيوم ده ابتعدى عنه تماما
الفوليك اسيد طبعا لازم تاخديه قبل الحمل علشان التشوهات بس هو بيقسى البويضة فبتاخديه من اول يوم دورة حتى اليوم 9 او ال10 و توقفيه وترجعى تاخديه تانى بعد يوم التبويض
و ربنا يرزقك ويرزقك كل بنات الملف بااولاد الصالحين البارين
ملف العمل بالاسباب لانجاب الاشبال~~امل جديد وتفاؤل
متابعة النقاش، صفحة 21