☂☁☀♡تجمع المسافرات الى تركيا ☂☁☀♡

سبحان الله وبحمدة سبحان الله العظيم

افظل خطوط طيران السعويه لانها دايركت اريح بس المفروض حاجزه قبل الحين الاسعار نار
وفي الخطوط التركيه بس ماقد جربتها
وفي الاماراتيه والقطريه بس فيها ترانزيت
وفي طيران العربيه رخيص بس عيبه تنزل في مطار صبيحه بعيد عن وسط اسطنبول
وافظل شي تحجزين طيران
بعدين تدخلين بوكنج واحجزي السكن
لنفسك اوفر وارخص من شركات الطيران
اما عن الصرف 10 ايام على حسب صرفيتك والفنادق الي بتسكنينها اتوقع 1000 سكن واكل وترفيه تكفي كل يوم
بدون تسووق

حبيبتي عيون مغفصة مشكورة و يعطيك العافية
بس عندي استفسار عن عطلات الطيار للسياحة كيف خدمتهم واسعارهم ؟ واحد قد جربهم ؟ ياليت يفيدني

وابغى كمان اعرف مواعيد الزيارة ف كل من قصر توب كابي ومتحف ايا صوفيا ومسجد السلطان أحمد ؟؟
والله يجزاكم خير ان شاء الله ..

السلام عيكم بنات!

اللي سايرين منطقة السلطان احمد, مكان روعه و كل شي جريب منها, المسجد الازرق و ايا صوفيا, البازار يعني السوق الجديم, المتحف الاسلامي اللي فيه اشياء محتفظين فيها من عهد الرسول عليه الصلاة و السلام مثل اظافره و لحيته و سيوف الصحابه رضوان الله عليهم.
المهم ما في داعي للفنادق 5 نجوم و دنيا و هوسه في اللي سمونهم boutik hotel و انصحكن بفندق اسمه FERMAN نوافده تطل على الجامع و انت بتتريقين الصبح تحصلين الجامع مجابلنج منظر روعه و هذا موقع الفندق
http://www.fermanhotel.com/index.asp

نصيحه من اخت مقيمه باسطنبول و توصلون بالسلامه باذن الله.