شاركي في النقاش

سجلي الدخول لإضافة تعليق.

التعليقات

111

  4. toya.
    اب
    تسلمي موضوعك روعه وأنا كمان من الشرقيه ومهورنا نفس الشيء ثلاثين ألف
    بس إللي أستغرب منه إللي يقولون إللي مهرها ثلاثين ألف مايمديها تشتري ذهب ليه ياحبيبتي إنتي وهي
    موشرط تشتروا الذهب الثقيل والدفش إللي يلبسوه جداتنا بالعكس هاذي الأشياء ماتنلبس
    إشتروا الذهب الخفيف والناعم إللي يكون معاه سلسله وخاتم وحلق وتعليقه بدون إسواره هاذي أسعاها حلوة تجي سعرها حوالي 1500 وحنا إشترينا منها لعروس إبن عمي
    الأطقم إللي زي كذا يكفي تشتري منها ثلاثه لأن أكييييد بتجيك هدايا ذهب من أقاربك وأقارب العريس
    وغير مطليات الذهب ألحين الواحد ماعاد يفرق بين الذهب ومطليات الذهب
    والله إن أختي راحت من فترة محل مملكة الفضه إللي بمجمع الظهران وقالها صاحب المحل إن ألحين حتى الشبكه الناس تشتري مطلي فضه
    وبالنسبه لباقي التجهيزات مو شرط كل شيء تاخذوه ماركه عندكم ستي ماكس وسنتر بوينت عندهم أشياء حلوة وبأسعار معقوله
    ولاتبالغوا في المكياج في ماركات أسعارها حلوة مثل ريميل ومكياجي
    وبث آسفه عالإطاله
    صح ولاتنسوا تتبرعوا بمبلغ ولو بسيط من المهر عشان ربي يبارك لكم بفلوس المهر

تابعي تجارب أخرى من هذا القسم.