شاركي في النقاش

سجلي الدخول لإضافة تعليق.

التعليقات

792
  1. @rsyl

    راعية مبدأ
    صباح الخير اروما حملي الاول باقي يومين واخلص 40 اسبوع ولكن ولدوني بطلق صناعي لان الدكتوره خافت حجم الجنين يزيد وكان وزنه مناسب ولا يحتمل التاخير حتى لا يصير قيصري
    السلام عليكم
    شأخباركم بنات؟

    الحمد لله قبل أمس قدرت أنسق أموري.. خليت زوجي يوصلني المستشفى مع بناتي وبعدين راح مركز الخادمات..
    لكن والله بلشت فيهم في المستشفى فشااااااااااااايل.. ساحبتهم وراي كني قروية..:hahaha:
    شسوي أخواني اختبارات أهلي ما يبونهم.. وكذلك أهلهم..


    دخلت قسم أشعة السونار وهم معي (وأنا ما ودي يدخلون ما أبيهم يعرفون جنس البيبي يفضحوني) ..
    وفي الانتظار كان فيه وحدة أمريكية تنتظر هناك مع زوجها.. وطبعاً عطوهم نموذج رائع عن الطفل السعودي وأدبه واحترامه :42: .. خخخخخخ
    قاموا يتهاوشون على برادة الموية تقولون جايين من البر:024:.. وأنا أفك بينهم.. وأحاول أتماسك وأكون هادية وأنغزهم وأقبصهم من تحت لتحت ما ودي أضربهم قدام الناس:biggrinlo.. هذا غير الاستهبال اللي أول مرة أشوفه سبحان الله.. تزحلق على الأرض وصراخ وهبال:booo:.. والله اسم الله عليهم مب طبعهم ما أدري شجاهم..!

    المهم..
    انتظرنا السونار نص ساعة.. وهم طفشانين وجننوني اسم الله عليهم ما عندهم غير الموية والهواش مع بعض..
    أنا أصلاً كل مرة أروح مع زوجي بدونهم.. هالمرة بدونه.. ومعهم.. يا سلااااام.. إقلاع..

    يوم دخلت الغرفة..
    جلسوا حولي على السرير.. يوم شغلت الأخصائية الجهاز قاموا يتهاوشون عند رجولي.. ويهزون السرير.. والصورة تهتز.. والأخصائية صابرة عليهم لكن حايمة كبدها.. :humm:
    وانا أسكت فيهم.. وأفك بينهم والجهاز على بطني:crap:.. آآآآآآه اسم الله عليهم...

    بالموت شفت البيبي..
    حتى ما قدرت أسألها عن أشياء كثيرة..
    بس تقول بإذن الله فيه احتمال يكون ولد يمكن 60% بس.. وما كان ودي يسمعون لأنه مب أكيد..

    أقول لهم شوفوا البيبي في الصورة..
    تقول بنتي الصغيرة..
    يمممممه شكله يخوف.. وجهه أسود..ما عنده عيون! :surprised
    والثانية تقول ليش رجوله في بطنه؟
    استغفر الله..

    المهم.. طلعنا ورحت العيادات..
    طبعاً هناك طلبوا مني تحليل بول أعزكم الله قبل الدخول على الدكتورة..
    أول ما دخلت الحمام وقفلت الباب.. إلا بنتي الصغيرة تطق الباب.. يمه أبي حمام..
    يا ماما انتظري.. ما أقدر.. بسررررعة..
    جعلك شقول إن شاء الله هذا وقته؟!
    يا الله خلصت من تحليلي.. وفتحت لها بسرعة.. يوم شافت الحمام.. قالت خلاص ما أبي..!!!
    ليش؟
    بس خلاص!.. يمه ليش حمامهم كبير؟ ليش ما فيه رشاش موية..؟
    المرة بس تبي تتفرج على الحمام ما شاء الله!
    وطبعاً لازم تاخذ الذكرى من أي حمام منديل تنشيف.. !

    أقول لكم والله ما أدري شجاهم ذاك اليوم اسم الله عليهم..

    يوم طلعت من الحمام..
    يسحبوني من عباتي.. يمه خلينا نشوف تحليلك..! أص.. اسكتوا!
    كان فيه رجال سعودي واقف قدامي.. وهم يمه الله يخليك خلينا نشوف..!! :01:
    وجع.. وش تشوفون؟

    رحت الانتظار..
    وإلا فيه وحدة أجنبية بعد (كأنهم داريت أني بجيب بناتي ذاك اليوم تسلطوا).. وقفت أصلي وهم جنبي..
    طبعاً تهاوشوا في الصلاة كالعادة..
    ولما دخلت على الدكتورة..
    أول ما جلست تهاوشوا أيضاً وقعدت أفكهم ولا قدرت أسمع الدكتورة شتقول..

    أففففففففففف..
    والله تعبت من جد ذاك اليوم.. هذا غير الاجراءات اللي عند الصندوق والمواعيد وهم يناقزون ويتهاوشون كل 30 ثانية يمكن.. الله يصلحهم..

    وغير لما رحت الصيدلية وشافوا الحلويات ونشبوا يبون يشترون وأنا من زود القرادة ما جبت معي فلوس ولا شنطة (وإلا شغلوني زين ما نسيت نفسي).. وطبعاً أقنعيهم بهدوء أن ما فيه شراء الحين..

    والله كان شكلي غلط في المملكة.. كل اللي جايين هناك يااااااي.. طبقة مخملية..
    وأنا مع بناتي.. ماسكين في عباتي من ورا ويتهاوشون...

    الله المستعان..
    ما عندي أخبار.. اللهم ركبي هالأيام تعورني مرررررررررررة وأصيح منها في الليل.. خاصة ركبتي اليسار... أنا ماقلت للدكتورة (نسوني نفسي الله يصلحهم).. لكن هاوشتني تقول ليش ما تاخذين الكالسيوم؟ ترى عظامك بتتعب.. لازم تاخذينه للثامن.. وكذلك الحديد.. وشكلها صادقة رجعت انتظمت فيهم عسى تخف الآلام إن شاء الله..

    وزني كان الحمد لله ثابت ما زاد..
    حركات البيبي اسم الله عليه وضحت..
    سيارة زوجي صار لها حادث والباب اللي أركب فيه صار ما يفتح.. يعني رحنا المستشفى ذاك اليوم وأنا راكبة ورا وهو لحاله قدام مسكين كأنه سواق.. خخخخخخخ
    (أٌثول لكم.. كملنا ذاك اليوم)

    زوجي خوفني يقول.. فيه شيء غريب يصير هالأشهر.. فلوسنا راحت بالأسهم.. الشغالة هربت.. السيارة حادث..
    الله يستر على اللي في بطنك..
    قلت الله يستر..
  2. مرحبا بنات
    اشحالكم
    انا منقهره لاني كتبت رد طويل عريض وما شفته بعدين .. رديت على كل وحده :(

    حنين الفهد ... ان شاء الله القصه في الطريج

    راعية مبدأ .. شو انسوي الغاليه بس قهر .. اجر وعافية حبيبتي وطمنينا عليج

    امراة شرقيه .. بنفتقدج واااااااااااااااااااااااايد

    أروما .. انا ما ولدت الا بطلق صناعي وطوفت على موعدي 10 ايام .

    شهد الدمام هلا الغاليه أشحالج .. ان شاء الله الحين اكتب القصه .. وانتي وين قصة ولادتج
  3. السلام عليكم،
    رسيل>>> ضحكتيني والله مع بناتج
    تعوذوا من ابليس واقري المعوذات>>>خل ريلج يقرا عليج وعلى البيت

    قوارير>>> بالتوفيق والله يفرجها عليكي

    امرأة شرقية>>> تحملي بنفسج ترانا ناطرينج

    حنين>>> انشالله هالمرة اسهل من المرة الجاية
    بس قوليلي هل احنا لازم نقولهم يحطون بنج عشان هذيك المنطقة؟؟

    اروما وأم عبدالرحمن وحنين شلونكم؟؟
  4. بسم الله عليج يا رسيل وعلى بنات وعلى الي في بطنج .. ما شاء الله على اليهال من يدخلون عن
    الدكتوره شي يجيسهم .. انا بنتي كان ودها اسوي لي سونار بدال الدكتورة .. زين ان الدكتوره كان بالها طوووووووووووووووويل
  5. شكرا راعية مبدأ على الرد

    صراحة انا احاتي رمضان و العيد

    ما اريد اتأخر وايد

    المفروض ولادتي ب 19 او 20 رمضان بس اذا تأخرت اسبوع مثلا يعني اني بعيد في المستشفى .....!!!!!!!!!!!!!!!

    اعتقد بدري على هالكلام بس حبيت استفيد من خبراتكم

تابعي تجارب أخرى من هذا القسم.