آآآآآه من التجسس .. هذا اللي صار وابغى مشورتكم

السلام عليكم بنات حواء

من غير مقدمات عشان ماطول الموضوع

تخيلوا بنات هذا الشي

====================

كنت جالسه انا وزوجي .. وانا متاثره بمقولة انه كل الرجال خونة .. واشوف كل مين بالمنتدى تقول زوجي خاين والخيانه تمشي بعروقهم والرجال كلهم كذا .. ومن الكلام هذا

زوجي استاذن وراح الحمام يتروش .. اول مادخل اشوف جواله قدامي على الطاوله .. وجا على بالي اني افتشه عشان اشوف هو يخوني ولا لا

مع انه ماعمري شكيت فيه وابد مافيه اي شي يخليني اشك انه يخوني .. بس مادري ليش الشيطان لعب بعقلي ..

مسكت الجوال وحصلت رقم سري ... حطيت تاريخ ولادة زوجي وطلع صح .. بديت افتش

بديت ادخل على الرسايل .. وصراحه كانت رسايل عاديه مافيها اي شي يثبت خيانه او حتى ريحتها .. الا زوجي طلع من الحمام الله يكرمكم يبغى منفشه .. نسي ياخذها معاه ..

ويشوفني جالسه افتش بجواله ..

جا جلس جنبي وقالي كملي .. فتشي مثل ماتبغين .. وباين على ملامحه انه معصب.. انا انحرجت وضغطت ضغطتين بالجوال وقلت له خلاص .. قالي لا كملي الين ماتشبعين

قلت له لا خلاص مابغى .. قالي اكيد خلصتي تفتيش ؟!! .. قلت ايه خلاص خلصت ..

قام قفل الجوال وغير الرقم السري .. وقالي لو سمحتي احترمي خصوصياتي مثل ما انا احترم خصوصياتك

ومن وقتها للحين وهو معصب علي .. نام وهو زعلان وراح الدوام وهو زعلان



شسوي يابنات .. ساعدوني الله يسعدكم

18 تعليق 3,539 مشاهدة

شاركي في النقاش

سجلي الدخول لإضافة تعليق.

التعليقات

16
  1. اعتذري منه بكلام حلو وراح يرضى على طول لانك ماسويتي خطاء كبير .. لكن بعض الرجال مايحب احد يشوف خصوصياته مع اهله اواصدقائه
  2. @khdra11

    هههههههههه
    ماعليك راح يرضي مع الوقت بس انتي اعتذري ونصيحه لك من مجربه لاتفتشين ورا زوجك لانك تبي تفتحين باب على نفسك
    صعبه تقفلينه
    والله يهدي النفوس


  3. ,’




    ردة فعلكِ آكدت له آنكِ كنتي تفتشين

    لو آنك قلتي له مآكنت آفتش حبيبي
    و ليه آفتشَ !
    هدآ جوآل حبيبي وحبيت آطقطق عليهه
    ومآبيني وبينك آي خصوصيآت
    و آبتسمتي :)

    دآم آنه زعلآن
    وضحي له موقفك ب آلكلآم آللي فوق
    و وضحي له آنه زعله مو في محله
    و آلموقف مآيستآهل .,


    حلو يكون بين آلزوجين آلمشآركه بكل شي
    حتى ب آلجوآل و آللآب و غيرو
    مآلهآ دآعي آلحسآسيه و آلخصوصيآت .,


    آلله يسهلكِ يآحبوبه
    و يخلي لك حبيبكِ
    بس نصيحه لآتخلي حيآتك فيهآ ذرة من آلشك ..
  4. دندوشة القمورة
    ,’ ردة فعلكِ آكدت له آنكِ كنتي تفتشين لو آنك قلتي له مآكنت آفتش حبيبي و ليه آفتشَ ! هدآ جوآل حبيبي وحبيت آطقطق عليهه ومآبيني وبينك آي خصوصيآت و آبتسمتي :) دآم آنه زعلآن وضحي له موقفك ب آلكلآم آللي فوق و وضحي له آنه زعله مو في م…
    والله جوال زوجي ماافكر افتشه ماله داعي
    واذ خان رب العالمين يبي يعاقبه

تابعي تجارب أخرى من هذا القسم.