شاركي في النقاش

سجلي الدخول لإضافة تعليق.

التعليقات

792
  1. قصـــة ولادة .. (شــــــــواخي)

    اول شي كان موعد الولادة 28_12_2004 جاء هذا الموعد وما في أي علامة ولادة .. رحت المستشفى كان عندي موعد .. سوا لي تخطيط لقلب البيبي .. وكان كل شي تمام .. سوت لي الدكتورة تصوير وكان كل شي تمام ..قالت لي الدكتورة بعطيج فرصه 10 ايام اذا ما ولدتي لازم تجين تاريخ 7_1_2004 أعطيج طلق صناعي .. مرت الأيام ولا في اي علامة للولادة .. رحت عيادة خاصه تاريخ 6_1_2004 قالت لي الدكتورة انتظري اسبوع بتولدين دون طلق صناعي قلت لها ما اقدر انا خايفه على البيبي وما اريد اطووووووووول اكثر .. قالت لي ما في مشكله من الطلق الصناعي .. لكن بعدج لين اسبوع بتولدين بدون طلق صناعي .


    7_1_2004 رحت المستشفى على الموعد الساعه 7 الصبح وزوجي خلفي يجر الشنطه .. دخلت الغرفه ما قبل الولادة غيرت ملابسي انسدحت على السرير يت الدكتورة سوت لي تخطيط لقلب البيبي .. قالت لي فيج ويع قلت لها ما فيه .. قالت في التخطيط مين انه في .. بعدها سوت لي فحص من تحت تبي تعرف كم سانتي مفتوح طلع سانتي ونص طبعا من الخوف والفحص كان يعووووووووووووووور حيل . وكانت لما تفحصني .. اصرخ من الألم وهيه تحاول تهديني واسولف معاي وانا مالي نفس عليها .


    الساعه 9 خلوني بروحي .. تميت افكر اقول شو الي جابني للموت برجولي .. واقول يستوي اطلع الحين من المستشفى .. الساعه 2 الظهر انفتح عندي 4 سانتي .. الساعه 5 دخلت على امي الغرفه وام زوجي وزوجي .. هذا كله في غرفه قبل الولادة .. من دخلوا دخلوا الويع معاهم .. بدأ الألم يزيد ويزيد وما قدرت اوقف على رجولي .. يحطون ايدهن على بطني ويقرون عليه .. وانا اقولهم شلوا ايدكم وارحموني بموت من الألم .. عقبها شربوني عسل من شربته رجعت يت الدكتوره قاست لي كان مفتوح 6 سنتي كانت الساعه 6 العصر .. قالت يالله غرفة الولادة الحين بتولدين .. ودوني الغرفه وبدلولي كل شي وجهزوني حق الولادة صارت الساعه 8 المساء قالت لي الدكتورة خلاص الحين مفتوح 10 سنتي يالله ولاده ادفعي عشان يطلع البيبي .. طبعا انا كنت ناشفه ما في اي ماء مع الجنين يساعدها على الخروج والحبيبه شواخي ما كانت تدفع نفسها للأمام عشان تطلع صح كانت تدفع لتحت :( .


    مأساه الساعه 8 ومفتوح 10 سانتي ومب راضيه تطلع .. بدت الوجوه تتغير من حولي امي شويه وبصيح .. ام زوجي تشجعني تقولي يالله ادفعي قد ما تقدرين هانت بشوفين البيبي .. خالتي أخت امي تدفعني للأمام عشان اقدر اولد لكن ما شي فايده حليلها ما قصرت معاي ربي يعطيها الصحه والعافيه .. زوجي الوجه محمر والعيون صايره ما تنشاف من التعب .


    مأساه الساعات تمر وانا ادفع صارت 9 و 10 و11 و12 و1 الصبح و 2 و3 و3.5 ما شي فايده الويع برد وانا ادفع ومب راضيه تطلع الحلوة السستر تقولي هذي بنت عشان جذه مب تطلع بالهين .. والثانيه تقولي يالله اشوف راسها فيها شعر شوي مب وايد وانا خلاااااااااااااااص تعبانه ومنهاره وتعبانه نفسيا .. من الساعه 7الصبح الى اليوم الثاني 3.5 الفجر وما ولدت .. الساعه 3.45 الفجر قالت لي السستر خلاص دقااااااااااااات قلب البيبي وايد ضعيفه .. انا من سمعتها تقوووووول جذه .. نزلت ريلي على تحت وقلت لهم خلااااااااااااص ما اقدر واولد ولا اقدر اسوي شي .. واغمى عليه من الخوف :( .


    فتحت عيوني شفتهم حاطين لي الشفط وشفطوها والحبيبه نازله سكرانه وما شي نفس .. لين حطوا لها جهاز التنفس وتنفست .. وعقب جابوها على صدري .. والله اني نسيت الألم كله .. وشفت فرحتهم كلهم .. امي وامه وخالتي مسكينه تمت اصيح اقولها شو فيج قالت لي ما بغيتي تولدين .. نحن ولدنا معاااااااج .. وزوجي دخل عليه باسني على راسي وقالي يالله شدي حيلج عشان نجيب لها اخو بعد الأربعين هاييج الساعه زين ما ضربته بكرسي الممرضه لكن ما كان فيه حيييييييييييييل ابد .

    وتوته توته خلصت اتعب حتوته
  2. والله قصتك قصة يا رسيل

    انا هذا السؤال دايما يدور في راسي

    ليش اولاد الاجانب هاديين و ما يتهاوشون مع بعض ولو جالسين في مطعم و الام تاكل الولد ياكل وهو فرحان

    والله مرة شفت عائلة مصرية "مع احترامي لكل المصرين" و عائلة اجنبية ما اعرف من وين

    المهم العرب ابنهم يصيييييييييييح ما يريد ياكل و الطفل الاجنبي يطالع على العربي باستغراب و تعجب كأنه يبي يقول>>> شو بلاه هذا !!!!!!!!! ههههههههههههه

    الله يبعتلك اخ لبناتك

    اهلا نوني... كيفك و شو اخبار البيبي؟؟؟؟

    بنات انا عندي مشكلة احس وزني قاعد يزيد وااايد مع انه اكلي عادي ما تغير

    والله اخاف اصير بالونة على اخر شهر
  3. اورما

    سبحان الله في حمال يضعف وفي حمال يمتن انا حمالي بشواخي كان وزني 65 اول ما حملت عند الولاده كان وزني 98 تخيلي .

    لكن حمالي هذا وانا وزني ينزل وينزل .. عظامي بدت تطلع :) لكن مستانسه اهم شي ما امتن
  4. اول شي الحمد لله على سلامة شواخي مع انها متأخرة بس والله احس انك تعبتي واااااايد

    يقولون من يفتح الرحم 10 سم تكون الولادة بعد ساعة تقريبا

    الله يسهل ولادتك الثانية وولاداتنا كلنا

    ضحكني كلام زوجك هههههههههههههه

    اعرف وحدة زوجها تم يقول خلااااااص انا ما ارد عيال بهد هذي>>> جتهم بنت



    بس يا اللللللللللللللللللللللللللللللللللللللللللللللللله

    والله ما اعرف شو اقول قصصصكم تخوووووووووووووووف

    طيب ما حد فيكم جرب مخدر ولا اي شي مسكن؟؟؟؟؟؟
  5. طيب أم عـبـدالـرحـمـن انتي كيف شايفة نفسك ؟؟؟ هل كنتي تاكلين واايد و شهيتك مفتوحة على الاكل و الحين لأ ولا شو الفرق؟؟؟؟

تابعي تجارب أخرى من هذا القسم.