السلام عليكم و رحمة الله و بركاته ..
انا عندي بنت وحدة عمرها سنة و 8 شهور .. تحب اللعب و الحركة من تصبح حتى تمسي و هي تتحرك و تخترع الها العاب جديدة عجيبة شوي تاخد المكنسة و تركب فوقها زي الساحرات الي بالكرتون :35:
شوي و تطلع العابها وتنشرهم بالبيت كله شوي تروح للغسالة تطفيها اذا مشغلة و تشغلها اذا مطفية :11: ..
شوي تروح المطبخ وتطلع الها صحن و ملعقة وتمشي تطبخ وتجي تذوقني :7_2_103v: ..
ماتجلس الا وقت الوجبة و الحليب ولا باقي اليوم بس تتمشى و الي قاهرني هالايام من تصحى ماتنام غفوة ماتبي و اذا جينا ننام انواع الهواش معاها ابي اسدحها ماتبي واضطر امسكها بقوة اثبتها ههههه و طبعا هي تعبانة فتنام ع طوووول ..
واذا خرجنا مستحيل تنام لو ايش لو نطلع من الصباح للمسا ماتنام تخاف يفوتها آكشن من الآكشنات ..
ذا الموضوع للفضفضة بس لاغير توها نامت بعد هوشة و من الظهر صحت توي احس براحة :35:
شاركي في النقاش
سجلي الدخول لإضافة تعليق.
التعليقات
20- هههههههه
آلله يخليها لك ويصلحها ويهديهآ هذولي هم الاطفآل - ياعمري ياناس الله يحفضها ويخليها لك يارب بنتك حركيه وماعندها اجد بالبيت عشان كذا تستكشف بالبيت وهم كذا الاطفال وحركه المسك والتثبيت على بالي عندي لازم التثبيت لخمس دقايق
- بنتي مثلها بس باختلاف الحركات اشوي
عمرها سنتين و9 شهور
من حركاتها اللي تجنني
من تجلس من النوم لين تنام وهي واقفه عند البراده تلعب بالماي
تكبب على الموكيت وعلى السراميك
تطلع مواعين من المطبخ وتصب فيهم ماي
وتاخذ العابها حقين المطبخ وتصب في الاكواب ماي وتجلس تشرب
لجيت بشيلهم عنها تصيح ماما ماما خليه هذا شاي خخخخخ تدخل جو فديتها
تاخذ اكبر حافظة طعام تعبيها ماي وتجلس فيها
وتصب على شعرها ماي
هذي اكثر حركه مجننتني
ومن حركاتها لخلصت لعب بالماي تحول على غرفتي تنطط على السرير
ومايبقى شي ماتحطه معاها فوق السرير كل شي كرسي طاوله كاسات العابها
كل شي في وجهها تشيله توديه السرير
الله يخليهم لنا ويعينا عليهم - اي عاديه ااا وطبيعيه الله يحفظها
ويش تقولي عن ولدي عمرة سنه وبس يصفقني ويجر خشمي ويخربشني فيه ههههههههههه
ولا بعد يحب يجر الشعر ويعض هذا الي احسس مو طبيعي بالله عيالكم كذا ولا بس ولدي - نفس ولدي بالذات بالاجهزه بس يكتشف فيها تخلي خرب التلفزيون مايجلس الا اذا جا يبغى ينام
مواضيع مشابهة
تابعي تجارب أخرى من هذا القسم.