طلبت الطلاق !>>>استوفي الردود

الله يكون بعونك وحسبي الله ونعم الوكيل
مادري متى الرجال بيفهمون الاية "فان خفتم ان لا تعدلوا فواحدة "

الحين مادام خاف بعدما سمع الطلاق لاتكرري عليه الطلب وخلك بعيد عنه
لاتعطينه وجه ولاتضعفين قدامه
وعليك بالدعاء والاكثار من الاستغفار وصلاة الليل
الله يفرج همك ويرد لك زوجك افضل من الاول
واذا كنت الثانية تتعمد قهرك فعسى ان يرد كيدها في نحرها

لاتطلبين الطلاق يااختي واذا اتصل لاتردين عليه خلي بنتك او ولدك يرد ويقول امي مشغوله ومره امي في المشغل او امي في سوق علشان تخلينه يشتاق اكثر لك وتحسسينه بالهفه والشوق وانك غير مهتمه له لانه كان قبل واثق منك انك تحبينه وماتستغنين عن علشان كذا شتتيه وانتي غير في لوكك من ناحيه شعر قصيه قصه ماعمره شافها عليك وصبغه مناسبه وغيري في البس يعني استايل ماعمره شافك فيه وذا طلب يشوفك تكونبن وحده مهتمه لنفسك ويخاف انك تروحين لواحد ثاني و راح تجيه افكار تلف في راسه راح يعرف قيمتك زين وانتي باسلوبك خليه يطبخ على نار هائ وان شاءالله وصلت الفكره

اااااااااااااااااااااااااااااااااه من طينة هالرجال
وربي اني انقهرت علشانتس وفار دمي وبصراحه معتس حق
خليه احسن علشان يتربى ويذوق شوي من القهر اللي ذقتيه
خليه يجي ويطيح بين رجليتس ويطلب رضاتس ورجوعتس له ثم ارجعي بكرامتس
وخليها هي تموت حره وقهر
وصدقيني الرجال راح يتغير وتفتح عيونه
وانتي بعد حبيبتي لاتكونين بهالشكل اهتمي فيه لاتخلينها تلحس مخه وتاخذه لها وتنبسط فيه

انتي الاولى وانتي الحب الاول وانتي الاساس وتاج الراس
ماعليه يالغاليه كبري عقلك شوي حتى علشان اطفالك

يارب يقلبي يسخره لكم ويحببه فيكم ولايشوف غيركم

أسأل الله العلي القدير أن يرده لك ردا جميلا
وأن يرد كيد من أراد بك سوءا في نحره
وربي دمعت عيني لما قريت كلامك وحطيت نفسي في موقفك

فكري في أولادك لاتصيرين أنانية دامه خاف من فكرة الطلاق و مثل ماقالت وحدة من الاخوات خليك بعيدة هالفترة
وأوصيك بالدعاء والاستغفار
والله الله بالثقة في نفسك وقدراتك وأهلك ابد لاتقللين من قدرك
و الأخوات ماقصروا في الردود