حبيبتي انا مريت بنفس مشكلتك لما كنت بثالث ثانوي
وندمت أشدددددددد الندم كان بإمكاني اجيب نسبة عالية
لكن كنت أحطم نفسي اقول آخرتها ماراح ادخل التخصص اللي ابيه
وطعت نفسي وندمممممممت
لان الله انعم علينا بالعقل والتفكير والذكاء ماينقصنا شيء ولله الحمد
مشكلتنا نربط النجاح بـ شيئ ، وان ماتحقق هالشيء فـ خلاص لاداعي للنجاح !!
هذا خطأ خطأ خطأ
لازم نقنع انفسنا ان لانرضى بالصف الآخر أبداً
هذا الامر كان يضايقني جداً في نفسي
والحمدلله بعون الله ثم الدعاء والرغبة في تغيير
هذا التفكير
تخلصت منه ولله الحمد
لاتخلين همك النجاح عشان حاجة معينه ،
قولي لنفسك :
أنا دارسه هالسنه دارستها ،
فـ أطلع بفائده وبثمرة علمية خير من أني
أداوم سنة كاملة وآخرتها أطلع بـ لاشيء
وانا قادرة اني أشد حيلي ! .
شوفي حبيبتي عشان تتغير تصرفاتك لازم يتغير تفكيرك
يعني غيري الافكار اللي تخزنت في عقلك الباطن
من كثر ماتقولين عن نفسك ان هالحالة صارت مرتبطة فيك
خزنها لك عقلك الباطن وصار يسويها لا إرادياً ،،
إغرسي في نفسك كلام إيجابي ،،
تذكري فرحة النجاح وطعم النجاح
قولي لنفسك هذه فترة بسيطة اضغط على نفسي
و راح أنعم بأحلى إجازه
صدقيني اذا ماشديتي حيلك راح تقضين الاجازه
وانتي تلووومين نفسك و تندمين
وماراح تتهنين فيها ،،
يكفيك تثبتين لنفسك بدراستك أنك تحترمين نفسك
وماترضين لها الا العُلى ،
ويكفيك تثبتين لنفسك انك قادرة على النجاح - بعد توفيق الله -
ويكفيك انك تثبتين لنفسك أنك تحترمين وقتك
و جهدك وماتقبلين تخلص السنه الا وانتي طلعتي بثمرة علمية
الله يووووفقك ويسعدك
تعالو شوفو مشكلتي .. محد مثلي
متابعة النقاش، صفحة 4