هنا صــــــــــلاله معلومات و ( صور ) سياحيه ...! دمج المواضيع

... لا حبيبتي للأسف ما في خطوط اقتصادية تنقل لصلالة لأن مطارها ما زال مدني ... لكن في بعضها تنقل لمسقط ...ومن بعدها عليكم تاخذوا تذكرة ثانية منها لصلالة على الطيران العماني... وحتى ممكن نفس الطريقة من دبي ...هذي الفكرة اللي حبيت أوضحها في ردي السابق ...

وبالتوفيق لكم ...

اخواتي الله يسعدكم حنا ناوين نساف، صلاله من الرياض الى صلاله بس انا خايفه من الطريق ما نقدر نروح طياره ف اللي عندها خبره ترد لي

اااممم خبره في شنو !!
ع العموم ي قلبي انا رحت صلاله بسياره وكانت جديده سيارتنا
بس للأسف بس وصلنا للصلاله اختربت علينا
واستأجرنا هناك سياره وما اخذنا سيارتنا الاقبل سفرتنا بيوم
وقرررنا اذا بنروح صلاله مرتن ثانيه بطياره
والله تعب بسياره
بس والله ضيقة صدرنا سيارتنا الا انو صلاله تجنن وتستحق الزياره
ورحله موفقه وان شاءالله يكون حظكم احسن من حظنا

انا رحت صلاله طريقها يخوف يسمونه اهل صلاله طريق الموت تمشين فوق ١٥. ساعه في طريق صحراوي يلتوي مثل الحيه بين كل ساعه محطة بانزين فقط ولا سمح الله صار شي مافي ولا نقطة هلال احمر ولا تعبرين ولا على قريه صحرا فيةصحرا انا رحت مره وحرمت ارجع بسياره

مع إني من صلالة لكن عمري ما رحت بطريق البر ... ودائماً أسمع الشكاوي من الطريق المتعب والطويل ... والمسافة أكثر من 1000 كم بين صلالة ومسقط<<< هذا بين صلالة ومسقط كيف بالبقية الله يكون بعون سالكيه ... وأغلبه طريق خالي يمر بصحاري مقفرة... وفوق كل هذا سايد أو خط واحد ....وللحين ما زالوا شغالين في ازدواجيته وبدأوا من صلالة وما خلصوا بعدهم من ازدواجية مدخل صلالة ...

الطريق من مسقط أو من أي ولاية أخرى لولاية هيما طريق سالكه خط واحد ... لكن من بعد ولاية هيما إلى قتبيت الطريق متضرر وبه تشققات ويجب تخفيف السرعة وهناك تحويلات لإصلاح الطريق...


الطريق الطويل قبل الوصول لصلالة ...











الطريق قبل هيما ...ترى يكون مشمس وتعب بس بعض الناس محظوظين مثل صاحب هالصورة ...




صورة قبل دخول صلالة ومناظر السحب من بعيد فوقها ...سبحان الله





وهنا بداية دخول صلالة من عقبة الياسمين