صديقتي صدمتني بحركتها / ملكت وما علمتني .. معدل

السلام عليكم ورحمه الله وبركاته



يابنتات وش التصرف السليم بالموقف اللي سوته فيني صديقتني

هذي صديقتي من ايام الثانوي وماخبي عنها ولا شي من حياتي الخاصه وكل شي اقوله لها وهي امينه وقد الثقه

بس الغريب يابنات انها تملكت هالفتره الله يوفقها ولا قالت طبعا ولاشي واقابلها بالجامعه ولا كانه فيه شي
ويوم جاء امس وترسل بي سي في البي بي اللي هي الرساله الجماعيه انها امس تملكت وقلتها مبرووك الله يوفقك وبس
بعدين قالت سالفه طويله عريضه وقامت تعذر انها ماقالت لي وانها مالقت مدخل ولا عرفت كيف تفاتحني بالموضوع واني اعز صديقاتها وان غيري ماقالت له هالحكي المهم
قلت لها عاذرتك والله يوفقك ومن اول الحضور ان شاء الله


انا صراحه حزت بخاطري انها ماعلمتني ولو انا مكانها بعلمها اكككيد

وجت وحده من صديقاتنا قال بسوي لها حفله بيتها تعزم اللي تملكت هذي وانا صراحه حسيت ان مالي قدر وحضوري وغيابي واحد ماله داعي

انتم وش رايك اروح ولالا وش التصرف السليم وش مبرر جحدتها وليش جت تتعذر وانا ماقلت لها اساسا وراك ماقلتي انصدمت وسكت ؟

67 تعليق 19,981 مشاهدة

شاركي في النقاش

سجلي الدخول لإضافة تعليق.

التعليقات

66
  1. @nofatyk

    وعليكم السلام ورحمة الله وبركاته

    ولاتنصدمين ولايحز بخاطرك الموضوع،، صارت لي زمااان مع اكثر من صديقة

    واللي تعلمني بخطبتها او ملكتها تحلفك ماتقولين لفلانه او للشلة ،، فتحرجك مع باقي الصديقات

    إنك إنتي عندك خبر ولاعلمتينا،، مادري يمكن خوف من العين والحسد

    ع العموم انتي احضري ولاتبينيين شي،، وتصرفك سليم لما ماسألتيها ليش ماعلمتيني قبل

    الله يوفقك 
  2. @amly_aldayaa

    عاااااااااادي قد صارت لي من صديقتي السابقة المقربة
    أكثر البنات الحين تنخطب وتتملك ولا تعلم أحد وفيها خير صديقتك قالت لكم بعد الملكة انها تملكت
    بعضهم تغير الرقم والجامعة ويمكن عنوانهم والسبب عشانها تملكت وبتتزوج
    وكأن الزواج حاكم عليها تبتعد عن كل اللي حولها وان هالزواج راح يغنيها عن الكككككككل !!!!!
    بالنسبة لي لو هي صديقتي وسوت كذا بتتغير معاملتي اكيد معها يعني بصير سطحية معها
    لأني مو صديقة لها والسلام
    أنا كنت مقرررربة منها كثير يعني في حسبة الأخت
    وهونيها ولا يضيق صدرك حبيبتي
    الناااااااااااس والنفوووووووووووس تغيرت
    الحمدلله على كل حال
  3. @okar_alshyokh

    طيب هذي هي علمتك ؟
    يعني قصدك قبل الملكه تعلمك ؟
    ترا مو كل العوايل تعلم قبل الملكه
    فيه ناس عندهم ان قبل الملكه ما يتكلمون الين تصير عشان محد يتكلم او يتفركش وتتعب نفسية البنت ويكثر الحكي عليها
    واذا هم مو راعين حفلات ملكه وسوالف فتصرفها ما اشوف فيه شي ينزعل منه

تابعي تجارب أخرى من هذا القسم.