مشاكل تعامل زوجة أخي مع والدتي

السلام عليكم


أخواتي الفاضلات أتمنى منكم تعطوني حل بها المشكلة
زوجة أخوي إنسانه طيبه متزوجه لها تقريبا 6 سنوات مانشوفها غير بالإجازات فقط

وكنت أنا وهيا زي الأخوات والله وماخذين على بعض مره الفتره هذه ساكنه مع
أهلي لأنهم كانوا بمدينة ثانيه ونقلو لمدينتنا وراح تجلس مدة لين تخلص شقتهم

أنا تزوجت أخوها ومن يوم تزوجت سار يطلع منها شغلات مو حلوه معي ومع أمي

مثلا تدق أمي عليها وماترد تقول كنت زعلانه أو ترادد على أمي بكلام مو حلو مو
سب لأ بس كلام ولا وحده تقوله لعمتها حتى معي والمشكلة الكبيره لم نتكلم معاها تحرف الكلام 180 درجه أقسم بالله العلي القدير إني ما أفتري عليها وسار تعاملها مع أخوي مره قليل أدب لما يتخاصمو تكسر البيت وتسبه أنا ماعليه فيها هي وخوي ****له يتذبحوا أنا أهم شي أمي سارت مع أمي وقحه مره عملت شغله مو حلوه لأمي ورحت أكلمها قلت لها ليش تعملي هالشي ترضي أسوي كذا مع أمك قالت كيفك
وبعدين دقت على أمي تقول ليش بنتك تعمل كذا قالت أمي أش سوت بنتي فردت مرت أخوي وقالت بنتك مالها إلا مدة ماخذه أخوي وجايه تهدد تقول راح أبهدل أمك ليش بنتك تقول كذا أمي قالت كيف لا بنتي ماتسوي هالشي ولو سوت راح أخاصمها طبعا أمي ردت كذا لأنها مو عارفه وش صار والأن كل أهل زوجي عندهم فكره إني متوعده أمهم وأنا ما كان هدا كلامي والله بس هيه إضطرت تقول كذا علشان تغطي غلطتها حتى زوجي اللي هو أخوها لم عرف قام يخاصمني ليش تتوعدي أمي وكل ما حاولت أفهمه برضه يخاصم في الأخييييييير بعد ما تهزاءت قال حتى أختي غلطت بس قلي لو سار ثاني مره شي علمني على طول لاتتصرفي من حالك الأن مرت أخوي تواقحت مره ثانيه مع أمي هل أخبر زوجي ولا !؟؟؟ لأني لو تدخلت مره ثانيه بتطيح فوق راسي وأنا مالي علاقه بس في نفس الوقت مقهوره على أمي



الله يخليكم أش أعمل
طيب لو طنشت كيف بعدين أتعامل معاها أنا والله ثم والله أعاملها زي ما أعامل أخواتي وأنتو تعرفو معاملت الأخوات تضحكوا تلعبو تستهبلوا وكمان يسير تغلطوا على بعض بس أبدا ما تحقدو على بعض صح
أنا كذا معاها أنا ما أغلط بس ممكن لو تطلع مني مزحه سامجه بالغلط

هيه تفهمها غير


أرجوكم قولو لي كيف أتعامل معاها




27 تعليق 14,167 مشاهدة

شاركي في النقاش

سجلي الدخول لإضافة تعليق.

التعليقات

24
  1. @bnt_nas_4_1

    مالك الا تقولين اخوك واذا استمرت في الغلط بلغي اهلها وهم بيتصرفون معها يا اختي عندنا وعندك خير كل زوجات الاخوان نفس بعض اذا تزوجت ان شاء الله والله لحط ام زوجي وخواته زي اهلي
  2. @shfth_bfrh

    مالك الا تعاملينا بالرسميات
    هذي وحدة تفهم الاشياء على مزاجها
    الله يهديها ويخليلك امك
  3. @shfth_bfrh

    المشاركة المقتبسة غير متاحة.

    الله يهديكي اقري الموضوع عدل
    زوجة اخوها ست سنوااااات متزوجة مو اشهر
    ومحد يرضى الكلام الي قلتيه.... الي حطيته في ردك بالاحمر

    الي هي عملته لانها تبر بامها وما ترضى عليها شئ يجرح مشاعرها
  4. @han_4

    صاحبة الموضوع
    أختى بنت ناس حلك حلو بس فكري فيها كل مادق الكوز بالجره أروح أعلم أخوي أنا برضه ما أبغى أخرب حياته أو يكره أم أولاده هو عنده علم انها موسهله لأنه شايف تغير تعاملها معاها تخيلوا سارت لم تزعل تكسر أغراض البيت اللي هو بيت أهلي

    أخت سمسم هذه فكرة أمي تقول أدعي ربك يكفيك شرها وتقول لي أبدا لا تكلميها وتديها سرك بس الصعوبة هنا إني لم أجلس معاها أنسى كل شي سوته لأني زي ما قلت أعتبرها أختي


    وأخت بروئه
    أحد أقاربي أخذ من جنسيه عربيه مو ضروري أقول وين تعرفي شو سوت

    فرقت بين زوجها وأخوانه تماما بالأفتراء عليهم


    في كثير بنات محترمات بس المشكله لم الوحده تدي أذنها لناس تحرضهم

    وزوجه أخوي طيوبة بس تستسلم للتحريض
    مثلا لو جلست مع ناس يقولو أم زوجي شريره وأنا عملت لها كذا وماسرت أديها وجه
    هيه تعمل زيهم مع العلم أن أمي طيبه معاها

تابعي تجارب أخرى من هذا القسم.