الحمد لله ولي الصالحين والصالحات.
واشهد أن لا إله إلا الله وحده فاطر الأرض والسماوات.
و أشهد أن سيدنا ونبينا محمد رسوله المصطفى والمجتبى لخير الرسالات.
صلى الله عليه وعلى آله وصحبه ومن سار على نهجه إلى يوم تتفطر فيه الأرض والسماوات.
إن الحياة مهما كانت كدر وهموم
وصعبة ومتعبة
يبقى هنالك أمران يجعلان لهاحلاوة
إنهما
*ذكر الله*
ودعاء قلب طاهريحبك في الله،
اللهم اسعدأخياتي واحفظهن في صباحك ومسائك
اللهم انك اعطيتني خير احباب في الدنيا دون ان اسألك..
فلا تحرمني من صحبتهم في الجنه وانا اسألك..
اللهم اسعدهم وفرج همهم..
وحقق لهن مايتمنوا واجعل الجنة مقرا لهن ..
اللهم لاترد دعواتي لهن فإني أحبهن فيك
موضوعي النهاردة
خاص بترتيبات شهر الخير
بلغنا الله إياه وأعنا علي صيامه وقيامه
وكثيير من الناس بيعتبروا رمضان شهر الأكل
والعزايم ولذلك بنضيع في المطبخ وقت طويل
وكلها في الاخير أشياء لاتسمن ولاتغني من جوع
ونسينا جميعاً انه شهر للعبادة
وليس شهر الأكل من كل ما لذ وطاب
ولذلك سوف اقدم لكم ترتيباتي قبل شهر رمضان اللي بتوفر عليا شغل كتيير وبعمل آكلات حلوة وفي وقت قصير
اولاً
طريقتي في تجفيف كل الخضروات الورقيه
والصراحه الحاجه ام الاختراع
نظراً للسفر الدائم لابو الشباب
وكمان أنا بحب كل شئ في بيتي يكون موجود
والحمد لله ع النعمه
ربنا يحفظها من الزوال
ولذلك فكرت ف تجفيف البقدونس والكسبرة
والشبت والنعناع طبعاً معروف
لكن الطريقه دي من ابتكاري ومحدش قالي عليها
ودا ميمنعش ان في ناس تانيه تكون بتعملها
ولكن أنا قلت طيب إحنا بنجفف النعناع
طيب ايه الفرق بينه وبين باقي الخضروات الورقيه
وبالفعل كانت النتيجة هايله وسهلت عليا أشياء كتير وممكن اطبخ اي طبخه وانا عارفه ان عندي مكوناتها
المهم الطريقه
بغسل البقدونس والكسبرة والشبت حتي الملوخيه كويس جداً وعلي فكرة بقطفهم يعني بأخذ الورق بس
واحطهم في المجفف وبعدين افرشهم في صينيه وتحتها فوطه نظيفه او الورق الخاص بالمطبخ ليمتص المايه واخليهم في المطبخ
ينشفوا علي راحتهم
لأني لو حطيتهم ف الشمس لونهم هايتغير
ويبقي اصفر
ولكن بالطريقة دي بيحتفظ بلونهم الاخضر حتي بعد التجفيف
وبعد ما ينشفوا خالص بفركهم براحة ايدي
واحفظهم في علب وع الثلاجه
ودي الصور توضح
هنا الكسبرة
[وهنا الملوخيه
وهنا بعد ما حفظتهم في العلب
نيجي بقي لاستخداماتهم
بستخدمهم في كل شئ
لو جالي ضيف فجأه وحبيت اعمل كفته او كباب ومعنديش الطازج بحط من الشبت والكسبرة وبيدي نفس النتيجة
وحلو جداً ف تقلية الملوخيه اللي هي الكسبرة طبعاً وعلي فكرة بتفضل محتفظه بلونها الاخضر
والريحه ياسلام تدوووخ
وكمان ف المحشي
تابعوا معي باقي الموضوع
رجاءً عدم الرد حتي اكتمال الموضوع
