شاركي في النقاش

سجلي الدخول لإضافة تعليق.

التعليقات

46
  1. @aakd_lolo_fdy

    اقضوا حوائجكم بالكتمان ..فيه اشياء خصوصيه مااحب احد يدري عنها ..متى اسافر ..ايش شريتم للبيت ..من زاركم ..هذه الاشياء اذا انا ماتكلمت فيه مااحب احد يسالني عنها كل شي بعدين بيبين ..يعني اذا سافرنا الكل بيدري بس مااحب التحقيق ...الحمل انا مااعلم في بدابه الشهور الاولى حتى اهلي لكن بعدين الكل يدري
    الحين فيه ناس ماهمها الا تراقب الناس عشان كذا احب الخصوصيه ...واعامل الناس مثل مااحب الناس يعاملوني
  2. حبيبتي خلاص صارو اغلب الناس كذا بنات عمي .. خالاتي .. بنات خالاتي .. صاحباتنا انخطبو وسوو كل شي ومحد عارف الا لمى عزمونا على الملكه ولو ماهي العيبه ماظن كانو عزمو احد وبعد حملو وماعرفنا الا لمى بين البطن فالشهر الخامس او السادس
    وتصدقين والله احسسن وانتي بعد لازم تصيري كذا (( اقضو حوائجكم بالكتمان ))
    من بعد اللي شفته انا صرت كذا اصلا احسسن تعبنا من الحسسد والغيره نخبي ونرتاح وصدقيني فيه بعض الناس مايبغى الخير لاحد مو شرط الكل زيي وزيك يفرح ويبغى يعرف عشان ينبسط مع الشخص المبسوط لا فيه ناس تحقد وتكره وتسسوي المستحيل عشان تخرب على الشخص الفرحان

    اسال الله ان يكفينا شرهم ويرد كيدهم في نحورهم ويشغلهم بانفسهم يااارب
  3. تعرفي اختي ليش زديت عليك لاني توي متضايقة من سالفة بعض النااس اللي حولي وقلت افتح النت شوي فرايت نفس القصص التي تصير معي ونزلت موضوع قبل كده لماذا الناس الايعاملوننا مثل ما نحن نعامل لماذا لاتعرف نحن نعامل بطيبة وصدق تلقي اللي يعاملك بخسة وكذب ويحاول ياخذ منك معلومات عن نفسك اما اموره هو لا يقول عليها بتاتا بل تسمع من غيرك وكانك لا تعرفه سبحان الله علي الناس كيف ولت بس ديما اقول فيه ناس بخير والا تلاقي ناس طيبة وكويسة متلك وممثليوالخلاصة يقول المثل صوابع يدك مو مثل بعض نحاول زي ناس هادم انه ما نخالطهم كثير ولا نقولهم اسرارنا بس نعامل بطيبة كان لقينهم والسلام ونواصلهم اذا كانوا من صلة الرحم والله المستعان ولا حول ولاقوة الا بالله العلي العظيم
  4. @shadn_16

    والله انا اشوف الجحادة حرية شخصية
    وماعمري زعلت على احد جحد عني شيء
    اللي بيجحد بكيفه بسلامته الله يوفقة وشوله اللقافة اصلا اذا علموني او بسلامتهم
    لكن ان الشخص يصير جحود وبنفس الوقت ملقوف ويتشره عليك ويبي يعرف عنك كل شيء هذي اللي ما اقبلها ابد 
    وبعدين ياحبيبتي ترى بعض الناس يجحدون لأن اللي قدامهم مب كفو ينقاله شيء
    يعني اذا عرف شيء قام اذاعة وماخلى احد ماقاله.  او ىنه يكون حسود وعيونه حارة 
    اختي اخوي بنت عمي ترى عادي ممكن يكون فيه حسد يعني حنا بشر مهب ملائكة 
    عشان كذا اكيد ان هاللي جحدوا مروا بتجربة سابقة شينة خلتهم يخافون من اشخاص معينين
    اما بالنسبة للخدمة والفزعة انا احب اخدم اللي يخدمني واللي يبين بعينه 
    اما اللي ماينفعني ولا يخدمني اكبر اكس مايجيني الا اذى وشولة اخدمه
    وبعدين على حكاية شحاذة الخدامات وغيره يعني للحين فيه ناس يشحذون من بعض 
    يختي بدل ماتروح هالحامل تشحذ ام رجلها الشغالة ساعتين خل تستاجر شغالة ساعتين بفلوسها بمية وخمسين وقضينا 
    الله واكبر كثيرة المية والخمسين تراها قيمة عشاء
    وشوله تجديع الوجه على اللي يسوى واللي مايسوى 
    ترى ام الرجل عمرها ماصارت زي امك

تابعي تجارب أخرى من هذا القسم.