لي سنه تقريباً وأنا استخدم هالطريقه ..
بالضبط بعد وفاة الملك فهد(الله يرحمه ) بإسبوع >> من سألك !!!
مميزاتها :
1_ سريعة التحضير..>> أهم شي ..
2_ سهلة الصنع ..>> أهم شي بعد ..:hahaha:
3_ لذيذه .. أحسها شويه عليها .. كل من أكلها ما يصدق انه
معموووول ..( ليه )؟؟؟
إذا صلحتيها وأكلتيها جاوبي على السؤال .. >> ماشي ياقمر ..
نجي للمهم ...
نسب الطبخه .. >> إلى اختي وحبيبتي وغاليتي أم محمد >>
ترا كل أكلاتي المميزه منها ....
وزي كل مره ادعوا لها يرجعها ربي من غربتها << زودتها صـح ..أدري..:22:
المقااااادير:
3 بيضات ..
ثلثين كأس زيت .. أستخدم البلاستيك دائماً ..عشان أرميه ..بلا غسيل بلا هم ..
1 كأس سكر ..
7 حبات تمر ..(اللي تبين ) كنيز ..فريزر << بس يفضل اللي بالفريزر ويكون
لين مو قاسي ..
2 م ك حليب بودرة ..
شوي فانيلا ..
ذرة ملح ..
م ك بيكنج بودر ..
دقيق ..
للزينه .. حبه سوداء << ممكن تستغنين عنها ..
الطـريقـــة :
تخلط جميع المقادير بالخلاط الكهربائي ( الكاس ) عدا البكنج بودر والدقيق ..
تخلينها بالخلاط ألييييين تدوووخ يعني تنخلط زيييين
تصبين الخليط في زبديه عميقه وتحطين البيكنج بودر و الدقيق تحطينه شوي
وتخلطين يدوي ألين يصير قوامه مثل قوام عجينة الكيك الوسط ..
تصب في صينيه ..أو في قوالب ورقيه << أفضل ..
وتزين بالحبه السوداء ..
وتدخل الفرن في درجة حراره منخفضه نسبياً 155
وتتحمر من فوق وبالعافيه ..
الصــــــــــور
شاركي في النقاش
سجلي الدخول لإضافة تعليق.
التعليقات
2مواضيع مشابهة
تابعي تجارب أخرى من هذا القسم.