اول مشاركه لي في القسم اتمنى تعجبكم

ما اطول عليكم يا الغاليات ونخش في الموضوع على طول

تاخذين لك خمس حبات بطاطس متوسطة الحجم تقشر تسلق تهرس وتحطين ملح وفلفل وتكورينها كور متوسطه وتخلينها على جنب

تاخذين لك ثلاث صدور دجاج تسلقينها مع زيت وملح وبعدين تفككينها زي الشاورما تحمسينها في تاوه
مع بصل ثوم حبة ماجي وفلفل (يعني زي خلطة الشاورما) وتخلينها على جنب

تجيبن خلاط وتحطين فيه علبة قشطه وعلبه جبن شدر مبشور وتخلينهم يخلطون وهم كذا تجيبن علبة
قشطة خفق وتصبينه على الخليط وهو ينخلط لحد ما تشوفين ان الخليط صار يتحرك في الخلاط بسهوله

بس ما يكون غليظ مره ولا خفيف مره

بعدين تجيبين الصينيه تبعك تحطين الدجاج الاول وبعدين كور البطاطس وبعدين تصبين الخليط فوقهم ودخلينه في الفرن وتشبين عليه من تحت وفيه ناس يحطون على الوجه جبن موزريلا على الوجه ويشبون عليه من فوق وبعد ما تشوفين ان الخليط صار سميك طلعيه وقدميه مع الخبر الشطه امممممم:42:

اتمنى يعجبكم واسفه على الاطاله وبالهنا والعافيه مقدما

5 تعليق 638 مشاهدة

شاركي في النقاش

سجلي الدخول لإضافة تعليق.

التعليقات

5
  1. @reem_5

    الله يعطيك العافيه شكلها شكاليطه يا شكاليطه ان شاء الله رااح أجربها في أقرب وقت ***

تابعي تجارب أخرى من هذا القسم.