من امس لين اليوم جاني بلا في ركبتي شد بركبتي وفخذي لدرجة اني اعرج وكل ماتطق ركبتي

السلام عليكم ورحمة الله وبركاته
من امس بالليل كنت جالسه اشتغل بعمل يدوي اخربط يابنات واتسلى وكنت متربعه وجالسه ساعتين وكان وقتها الساعه 2 مساء ويوم جيت اقوم بالموت صلبت طولي ووقفت لكن ركبتي اليمين ماقدرت امدها على الاخر وانا امشي استند على الجدار كل ماامشي تطق ركبتي ويجيني الم من طق الركبه لدرجة انه يألمني كل خطوه امشيها وجايني مثل الشد يمتد من ركبتي الى فخذي ويوم جيت اطلع على الدرج معنات اطلع درجه ادرجه بصعوبه بالعاده اطلع بسهوله
ونمت وقمت من بكره بقوم يالله احس بالم اقوى من امس ماني قادره اصلب طويلي واحاول وانا امشي اوصل للجدار علشان استند عليه وبصعوبه وصلت للجدار وانا اون ومغير تطق ركبتي وكل طقه فيها الم الم بصراحه يخليني ماني قادره اوقف زين ويوم جيت اطلع على الدرج علشان بروح لغرفتي واتوضاء واصلي واتسبح اون وانا اطلع الدرجه صار الدرج طلعته عذاب بالنسبه لي وانا اطلع اقول وشفيني ياربيه وش الي صار فيني وانا عمري 35 سنه بس لكن يمكن يكون الوزن بداء ياثر فيني وزني 114 كيلو وشافتني شغالتي وخافت اول مره تشوفني كذا لاني طول ماانا اطلع وانا متمسكه بالدرايبزين علشان اقدر اواصل لين فوق وشغالتي خافت ايش فيه مدام ليش كذا ووصلت الحمام تسبحت وبعدها بديت ارتاح بس اغلب وقفتي مستنده اكثر على اليسار وماني واقفه وقوف زين خلصت طلعت صليت ونزلت وكان كل شيء من الم وطق ونزول درج اسهل بكثييييييير علي والحين جالسه اكتب لكم وخايفه اني اقوم واحس بالم بس الحين امد رجلي على الاخر الي هي اليمين احس بطق مع الم والالم مايجي بعد ماتطق ركبتي وكل ماامد رجلي على الاخر يزيد عندي الالم الحين وانا اكتب وامدها يزيد الالم يعني الحين بمشي بتعب

ارجو انكم تشرحون حلتي وش الي صار لي وليه صار معي كذا والي مرت بتجربه تطرحها الله يجزاها خير الحين بصلي وانا جالسه لاني ماني قادره اوقف وقوف تام الله يشفيني الله يهون علي وقت الوضوء والصلاة لين القاء حل