تجمع البنات اللي فوق الثلاثين من العمر نشوف الانجازات !!!

انا ما دخلت الثلاثين بس صرت قريبة منها كثير وبصراحة عجبني الموضوع وودي
تتقبلون مشاركتي معكم (تراكم منتم اكبر مني بواجد علشان تشخصون علي)

المهم ..على صعيد الدراسة الحمدلله تخرجت من التخصص اللي حبيته

العمل ...لأ ...كنت اتمنى التدريس بس جربته سنه وعرفت انه يبيلنا سنين علشان
يلحق هالمجال بتطورات الزمن..اتمنى اشتغل بالتجارة بس للأسف لا رأس مال ولا خبرة

الزواج...الحمدلله متزوجة

الأطفال...عندي نونو صغير الله يخليه لي ولا افكر اجيب ثاني حاليا(ودي اشوف عمري شوي)

اهم شي احس اني انجزته اني غيرت نفسي من انسانه عصبيه لانسانة حليمة وصبورة
يمكن هالانجاز ماهو مادي بس انا اعتبره انجاز..لأن هالزمن يدفع الانسان للعصبية غصب

الاحلام والأمنيات كثيرة...
ودي ربي يقدرني واحقق امنيات امي اللي تعبت علينا كثير
استقل ماديا...واتعلم لغات...

صراحة الموضوع روعه ..الله يسلم اليدين اللي كتبته

أنا قرررربت من الثلاثين بس مادري أحس بخوف من هالعمر لكن شنسوي هذا حال الدنيا العمر بيمشي الله يجعله في الطاعة
متزوجة عندي أطفال والحمدلله
جامعية لم تتوفر لي الوظيفة المناسبة
بدي أتعلم لغة انجليزية بس تكبر البنوتة شوي
الحالة مستقرة لكن أتمنى دخل خاص عشان كداعامله مشروع شراكة مع زوجي بس لسه عن الافتتاح لكن انشاء الله قريب يصير لي دخل الله يتب الخير

الله يكتب للجميع الخير

أيتها السمراء .
الحمد لله على انك حققت الكثير مما رغبت في تحقيقه وهذا بحد ذاته انجاز عظيم لأن الكثيرات بعد الزواج يصبحن كقدر الضغط لا يستخدم كل يوم وكل طبخة وحين يستخدم يكون عرضة للانفجار وهكذا بعضهن.

فاحمدي ربك ولو الفرصة متاحة لإكمال التعليم فامض قدما .