شاركي في النقاش

سجلي الدخول لإضافة تعليق.

التعليقات

68

  2. @aashk_almtbkh

    لا والله انا رحت شفت المبنى الجديد يجنن هو بحي النزهة مرره حلوو ونظيف ودخلنا الكلاسات مرره نظيفة والرسوم للمتوسط 19 الف فقط !!!

  5. @hno_alrhmonyh

    ليس إلا أنا
    ليش الرسوم مره باهضه حنا عندنا بسبع الاف ومع ذلك مدارسهم لا نستطيع ان نعيبها
    ابفهم الي متى وحنا مغفلين يزيدو الرسوم كل سنه وحنا موافقينهم بغير وجه حق بالنسبه لرواد الازدهار قسم الثانوي هذي السنه فااااشل بمعنى الكلمه ونسب الطالبات في الحضيض وتقدرون تتاكدون وهذي المعلومه صحيحه ميه بالميه واول مانزلت الاوامر الملكيه بزيادة رواتب المعلمين اللذين في الاساس وراتبهم ماتتعدا 2800ريال في مدارس ضخمه ودخلها وعدد طلابها بالالف ولكن الطمع والعياذ بالله والجشع وغير ذلك رفعو الرسوم ولم يطبقو زيادة الرواتب والان يرسلون خطاب اخر مع ابني لاضافه وزياده جديده بالرسوم والخطاب موجود عندي لو اعرف انزله نزلته تشوفون اسلوب شحاذه كاتبين انه نظرا لتجاوبنا للامر اللكي من زيادة الرواتب اضافه الي التامين الطبي والتامينات الاجتماعيه فنحن مضطرين لرفع الرسوم وليه يعني حنا اوليا الامور ندفع زيادة الرواتب من جيوبنا بعدين اساسا الدوله تدفع لهم اللي يغطيهم غير يااااعععالم احسبو فصل واحد كم يدخل يعني 3 فصول تغطي الرواتب بالراحه غير كل شوي طلبات ورحلات فاشله كل فتره حديقة الحيوان بالملز حتى الاطفال كرهوها والا ملاهي يعني مافيه رحلات تعليميه او تثقيفيه وازيدكم من الشعر بيت سوو رحله لطالبات الثانوي بمناسبة فوزهم بمسابقه على افتراض ان تكون الرحله مكافاه تخيلو خذو الرسوم من الطالبات 30 ريال لكل طالبه وودوهم فيوتشر اي لاند تصورو مكتوب على باب الملاهي االعب حتى تتعب ب20 يعني 10 في بطونهم ولا اذكر كما وصلني الفرق 10 او 5 هو مو على المبلغ هو على المبداوهذي الرحله للمتميزات اجل الله المستعااان
    عذرا للاطاله وماخفي اعظم من سو معاملة مديرتهم وقلة فهمها وخبرتها
    ولكن حبيت اظهر مافي جعبتي لعلمي عن مايحدث في هذه المدرسه ويمكن غيرها كثيير حيث ان هدفهم الرئيسي مادي بحت واللي يقول غير كذا فليقدم حقاىق تثبت ذلك وصدقت اللي قالت مدارس الرواد مبنى فقط
    هذا والله على مااقول شهيد

تابعي تجارب أخرى من هذا القسم.